Европа
Порошенко не е уверен во исполнување на договорот од Минск
Украинскиот претседател Петро Порошенко изјави во петокот дека претходниот ден договорените во Минск одредби за постигнување мирно решавање на украинската криза во побунетиот рускојазичен источен регион Донбас, даваат надеж, но оти самиот тој не е убеден дека тие сигурно ќе бидат исполнети.
Во четвртокот во белоруската престолнина Минск, претседателите на Украина, Русија и Франција, Петро Порошенко ., Владимир Путин и Франсоа Оланд, и германската канцеларка Ангела Меркел, по 16-часовни преговори објавија дека постигнале договор за итно и сеопфатно прекинување на огнот кое треба да започне од полноќ во недела 15-ти февруари, да се повлече тешкото вооружување најдоцна вториот ден по прекинот на огнот и тоа да заврши најмногу за 14 денови. Меѓу другите одредби е и онаа дека до крајот на 2015 година Украина треба да направи уставни реформи, а побунетите источни региони Донецк и Луганс со тоа би добиле специјален статус и поголема самоуправа.
„Успеавме да постигнеме договор кој дава надеж дека состојбата во Донбас од вжештена фаза на крајот ќе мине во состојба на политички договор. Сакам никој да нема илузии дека сум бил наивен, ние сме многу заинтересирани за мирот…, но мирот за нас се уште е далеку, и цврсто сум убеден дека никој не е сосема убеден дека условите за мирот кои ги потпишавме во Минск, доследно ќе бидат исполнети“, рече Порошенко за време на посетата на тренинг центар на Националната гарда на Украина.
Според украинскиот претседател, карактеристично за постигнатите договори е тоа што тие не беа резултат на преговорите водени во рамките на тристраната Контактна група, којашто ја сочинуваат претставници на Украина, Русија и на Организацијата за безбедност и соработка во Европа (ОБСЕ), туку директно меѓу челниците на Украина, Русија, Франција и Германија/
„Постои надеж сé уште дека од овој момент ќе тргне во правец на деескалација, прекин на огнот, повлекување на оружјето, и токму тој пат, се надевам, ќе не воведе во мир“, истакна Поришенко .
Притоа украинскиот претседател додаде дека Киев ќе продолжи да настојува за ослободувањето на украинската борбена пилотка Надежда Савченко, којашто е во притвор во Москва каде што против неа се води судски процес во кој е обвинета за соучество во убиство на двајца руски новинари.
„Вчера, меѓу другото, се договоривме и за ослободување на заробените и заложниците, стотици Украина коишто се наоѓаат во нехумани услови, мора да бидат ослободени во рок од пет дена по повлекувањето на тешкото вооружување. Беше пооставено и прашањето за ослободувањето на украинската хероина Надежда Савченко, целиот свет бара од Русија Надја да ја врати дома, и ние ќе го продолжиме тој притисок“, додаде Порошенко
Меѓутоа, како што претходно изјави во Москва портпаролот на рускиот претседател, Дмитриј Песков, прашањето на украинската пилотка Савченко не било споменато на средбата на четворицата челници во Минск. Потврди дека украинската страна го покренала проблемот, на што рускиот претседател Владимир Путин „повторил“ дека случајот ќе има судска разрешница.
Триесет итри-годишната украинската воена пилотка Савченко, која е притворена во Москва од јуни 2014 година, и којашто 63 дена штрајкува со глад е обвинета дека е вмешана во смртта на двајцата руски новински известувачи, Игор Корнелјук и Антон Волошин, кои загинаа на истокот на Украина во јуни и се наоѓа под истрага на руската Федерална служба за безбедност (ФСБ). Нејзините адвокати соопштиле дека Савченко започнала штрајк со глад.
Савченко беше заробена од проруските борци во источна Украина и пренесена во Москва, каде што е во притвор. Русија соопшти дека таа ја преминала границата по своја волја, претставувајќи се како бегалец.
И претходно во руските медиуми се шпекулираше дека Савченко нема да биде дел од мировниот договор од Минск, бидејќи е обвинета за сериозно злосторство. Челничката на руската Комисија за човекови права, Ела Памфилова, во петокот ја посети Савченко во затворската болница. Адвокатот на Савченко, Илја Новиков на Twitter објави „Веројатно ќе се обиде да ја убеди да бара помилување”./крај/мф/сн
Извор: AFP/РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ: Го освоивме Покровск
Руската армија го зазеде украинскиот рударски град Покровск во источниот регион Донецк, кој беше под напади околу една година, изјави денес портпаролот на Кремљ, Дмитриј Песков, за новинарите.
Песков рече дека претседателот Владимир Путин бил информиран. Нема потврда од Киев. Руските сили наводно го окупирале и градот Вовчанск во соседниот Харков. Тврдењата не можеа да бидат независно потврдени, иако украинскиот претседател Володимир Зеленски за време на посетата на Париз изјави дека интензивните борби продолжуваат околу Покровск и во Харков.
Набљудувачите сугерираат дека руското соопштение за воените придобивки би можело да биде темпирано пред очекуваната посета на американскиот специјален претставник Стив Виткоф на Москва утре, додека Кремљ се обидува да покаже напредок пред разговорите за евентуален мировен план.
Европа
Мерц: Европејците ќе се спротивстават на наметнатиот мир врз Украина
Европејците ќе се спротивстават на „наметнат мир“ врз Украина, потврди денес германскиот канцелар Фридрих Мерц пред планираната средба меѓу претставникот на американскиот претседател Доналд Трамп и рускиот претседател Владимир Путин.
„Следиме јасна линија, нема одлука за Украина и Европа без Украинци и без Европејци, не може да се наметне мир зад грбот на Украина, нема слабеење или поделба на Европската Унија и НАТО“, рече германскиот лидер по телефонскиот разговор со неговите украински, француски, британски и полски колеги.
Мултилатералната средба се одржа додека Мерц беше домаќин на полскиот премиер Доналд Туск во Берлин, а францускиот претседател Емануел Макрон го угости украинскиот претседател Володимир Зеленски во Париз. Двајцата претходно разговараа со претставникот на американскиот претседател Доналд Трамп, Стив Виткоф, и украинскиот преговарач Рустем Умеров, соопшти Елисејската палата.
Туск: Едногласни сме
„Во Украина, единството на Европа е исто така во прашање“, рече Мерц, додавајќи дека големите европски земји, вклучувајќи ги Полска и Германија, имаат „посебна одговорност да обезбедат дека ништо и никој не ја дели Европа“.
Според симултаниот германски превод, Доналд Туск рече дека Европејците се „едногласни“ по ова прашање и се „целосно посветени на продолжување на целосната поддршка на Украина во нејзината одбрана во војната против Русија“.
Европа
Макрон: Само Украина може да одлучува за своите територии
Европските лидери во понеделник му дадоа поддршка на украинскиот претседател Володимир Зеленски по американско-украинските разговори за мировниот предлог кој првично беше во корист на Русија, додека претставникот на американскиот претседател Доналд Трамп се упати кон Москва на разговори во Кремљ.
Зеленски беше топло пречекан во Париз од францускиот претседател Емануел Макрон, а двајцата им се придружија на десетина европски лидери, меѓу кои и од Велика Британија, Италија, Полска и Европската Унија, во телефонски разговор.
France’s support holds special significance for Ukraine, and I am grateful to President @EmmanuelMacron and his team for their attention to our people and their willingness to help.
Our engagement today was substantive and important – above all, focused on the steps that bring a… pic.twitter.com/aL3mcUokAO
— Volodymyr Zelenskyy / Володимир Зеленський (@ZelenskyyUa) December 1, 2025
„Војната мора да заврши што е можно поскоро. Сега многу зависи од вклученоста на секој лидер“, напиша Зеленски на Икс.
Макрон објави фотографија со украинскиот лидер пред почесната гарда во Елисејската палата.
Le travail pour la paix se poursuit.
The work for peace continues.
🇺🇦🇫🇷 pic.twitter.com/31OgcnrO2s— Emmanuel Macron (@EmmanuelMacron) December 1, 2025
По средбата со Макрон, Зеленски изјави дека приоритетите на Украина во мировните преговори се одржување на суверенитетот и обезбедување силни безбедносни гаранции.
Тој, исто така, ги повика сојузниците на Киев да спречат Русија да биде наградена за војната што ја започна. Тој истакна дека територијалните прашања претставуваат најголем предизвик во преговорите.
Украинскиот лидер, исто така, изјави дека се надева дека ќе разговара со американскиот претседател Доналд Трамп откако специјалниот претставник на Трамп, Стив Виткоф, ќе ја посети Русија.
Францускиот претседател нагласи дека само Украина може да одлучува за своите територии во мировните преговори. Тој додаде дека Русија не покажува знаци дека ќе ја запре својата агресија.
Мировниот план меѓу Русија и Украина, рече тој, може да се финализира само со учество на Киев и европските партнери.
„За прашањата за замрзнатите средства, безбедносните гаранции, пристапувањето кон Европската унија и европските санкции, (овој план) може да се финализира само со Европејците на маса. Значи, сè уште сме во прелиминарна фаза“, рече Макрон.
САД размислуваат за копнен напад врз Венецуела; Мадуро: Подготвени сме да се браниме
Претседателот на Венецуела, Николас Мадуро, изјави дека неговата земја е подготвена да се одбрани додека САД размислуваат за копнен напад....
Виткоф и Кушнер денеска се среќаваат со Путин во Москва
Пратеникот на американскиот претседател Доналд Трамп, Стив Виткоф, и зетот на претседателот, Џаред Кушнер, ќе се сретнат со рускиот претседател...
Белата куќа е „многу оптимистична“ во врска со мировните преговори во Украина
Белата куќа е „многу оптимистична“ во врска со шансите за постигнување договор за прекин на војната во Украина, изјави нејзината...
(Видео) Илјадници протестираа против владата во Бугарија, луѓето се судрија со полицијата
Илјадници луѓе излегоа на улиците на Софија за да протестираат против буџетскиот план на бугарската влада за следната година, првата...
Кремљ: Го освоивме Покровск
Руската армија го зазеде украинскиот рударски град Покровск во источниот регион Донецк, кој беше под напади околу една година, изјави...
Белата куќа: Магнетната резонанца на Трамп покажа одлична здравствена состојба
Портпаролката на Белата куќа, Каролина Ливит, денес изјави дека неодамнешниот преглед со магнетна резонанца на Доналд Трамп бил превентивен по...
Сиљановска-Давкова: Системските недостатоци во имплементацијата на Истанбулската конвенција, бараат системски пристап во нивото отстранување
Покрај формалната, нужна е реална заштита на жените од насилство, порача претседателката Гордана Сиљановска-Давкова на јавната расправа за имплементацијата на...
Освен во „Димо Хаџи Димов“, во друго училиште во Карпош не се најдени патогени бактерии
На 27.11.2025 АХВ заедно си службени лица од ИЈЗ направи вонредна контрола во 9 основни училишта во рамките на општина...
Продолжува повратот на средствата од мерката „Мој ДДВ“ за скенирани сметки, соопшти Управата за јавни приходи
Управата за јавни приходи информира дека повратот на средства од мерката „Мој ДДВ“ за скенирани сметки во третиот квартал од...
Се вклучија камерите во Скопје, возачите што ќе направат прекршок ќе добијат опомена
Камерите поставени на сообраќајниците во Скопје од денеска ќе снимаат, возачите што ќе направат прекршок ќе добијат опомена, а од...
Пазарниот инспекторат со засилени контроли во угостителските објекти во пресрет на празниците
Државниот пазарен инспекторат најави засилени инспекциски надзори во угостителските објекти во пресрет на претстојните празници и зголемениот број прослави. Целта,...
(Видео) Николоски: Пробиени 17 километри за обиколување на Стража на автопатот Гостивар – Букојчани
Интензивно се одвиваат градежните активности на автопатот Гостивар – Букојчани, кој е дел од Коридорот 8, на релацијата Скопје –...
Синдикатот на вработените на клиниките против реорганизацијата – прераспределбата на кадри може дополнително да ја наруши стабилноста на здравствениот систем
Самостојниот синдикат на вработените во универзитетските клиники, центрите, клиничките болници и други јавни здравствени установи (ССКЦ) предупредува дека предложената внатрешна...
Врховниот адмирал на НАТО: Размислуваме за поагресивен пристап против Русија
НАТО размислува за заземање поагресивен став како одговор на руските кибер-напади, саботажи и нарушувања на воздушниот простор, изјави највисокиот воен...
Хакирани 120.000 камери во домови и гинеколошки ординации во Јужна Кореја, снимки со експлицитна содржина продавани на интернет
Четири лица се уапсени во Јужна Кореја за наводно хакирање повеќе од 120.000 видеокамери во домови и бизниси и користење...
ЕУ го предупредува Трамп: Путин мора да одговара за воените злосторства
Висок функционер на Европската Унија предупреди дека мировниот план на Доналд Трамп за Украина не смее да го ослободи Владимир...
Трамп: Украина има сериозни проблеми
Претседателот на САД, Доналд Трамп, изјави дека е оптимист по разговорите меѓу украинските претставници и неговата администрација за начините за...
Родителите прават штета кога инсистираат нивните деца да добиваат петки без соодветно знаење, вели Јаневска
Проблемот со „петките“ во земјата е навистина сериозен и од моето долгогодишно, веќе пет-шест години со контактите со наставниците, тој...
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави...
Поплавени дворови, подруми и ниви во Општината Чешиново – Облешево, не се чистеле каналите
Во Општината Чешиново – Облешево во повеќето од населени места се поплавени дворови, подруми, ниви со неожнеан ориз и житни...
