Европа
Прошенко: Украина сака мир, но е подготвена за офанзива на сепаратистите и за нивна изолација
Украина и натаму голема важност му придава на мировниот план за побунетиот рускојазичен исток на државата, но е подготвена да одговори на евентуална офанзива од сепаратистите, изјавил во вторникот украинскиот претседател Петро Порошенко при што се разгледува и можност за прекин на испораките на гасот и струјата за побунетите региони.
„Украина и натаму цврсто е приврзана на мировниот план, но е подготвена да се соочи со бунтовничката офанзива во случај на песимистично сценарио“, изјавил претседателот Петро Прошенко на почетокот од состанокот на Националниот совет за безбедност и одбрана на Украина, пренесуваат украинските медиуми.„Основани се неколку нови единици и групи, што ќе овозможи спротиставување на можна офанзива на Мариупол (стратешко пристаниште на брегот на Азовското Море населено со доминантно рускојазично население кое од април од почетокот на воената операција на украинските сили е под контрола на Националната гарда, но во августовската контраофанзива на проруските сили се најде на самата линија на разграничување на двете страни – з.р.), Харков, Бердинаск и регионот Днетропетровск“, додал Порошенко.Од друга страна, проруските бунтовници претходно изјавија дека Порошенко ги формирал новите единици за да преземе офанзива кон Донецк и Луганск, по завршувањето на предвремените парламентарни избори од 26-ти септември по кои во Врховната Рада на Украина влегоа прозападните и националистички политички сили.Порошенко рекол дека Киев сака да ги коригира своите обврски од мировниот договор постигнат во Минска на 5-ти септември, особено на воено и економско изолираната област под контрола на бунтовниците. Иако не е јасно прецизирано, се претпоставува дека украинскиот претседател мислел на законот за специјалниот статус на регионите Донецк и Луганск во рок од три години, според една од точките на Минската спогодба. Со овој закон тие добиваат поголема автономија и можност за формирање односно легализирање на сегашните „народни милиции“, со гаранција за амнестија за бунтовниците и размена на заробениците од двете страни по системот „сите за сите“. Во моментот на изгласувањето на тој закон, Порошенко беше критикуван за „капитулација“ на украинските власти по низата воени порази во контраофанзивата на бунтовниците, коишто според Киев и Западот имале поддршка во опрема и во редовни единици од Русија. Москва тоа одлучно го негира и бара докази за тие тврдења, и истакнува дека за неа станува збор за внатрешно украински конфликт во кој е загрозено рускојазичното и руското население.Проруските бунтовници кои во почетокот по соборувањето на проруски ориентираниот украински претседател Виктор Јанукович во март и откако новите прозападни власти во Киев во југоисточните региони со декрет ги сменија сите функционери од поранешната владејачка Партија на регионите бараа федерација на земјата а потоа прогласија ткн Народни републики, во неделата одржаа избори за претседатели и народни совети кои не ги признаваат Украина и Западот и велат дека се пречка за мировниот процес, додека Русија ги признава и вели дека на тој начин избраните челници ќе имаат легитимитет да ги претставуваат регионите во преговорите со централните власти во Киев. „Принудени сме во одредена мера да ги изолираме тие области за тој тумор да не се шири“, рекол Порошенко. Владата би можела да ги зголеми контролите на граничните меѓу источните територии под контрола на бунтовниците и остатокот од земјата, како и да ги прекине испораките на гас и електрична енергија кон тоа подрачје, појаснил Порошенко, пренесува AFP.Истовремено новата висока претставничка на Европската унија за надворешна и безбедносна политика, Федерика Могерини, во вторникот тврдеше дека „незаконските избори“ на проруските бунтовници во источна Украина би можеле да ја „уништат шансата“ за мировните преговори со Москва.„Најголемата опасност е губењето на можноста за внатрешните преговори, но и дијалогот со Русија“ за мировниот план врз основа на прекинот на огнот од почетокот на септември, рече Могерини./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Македонските граѓани во Израел, Катар и ОАЕ за сите прашања да се обратат до надлежните амбасади, МНР со апел да не се патува кон земјите од тој регион
По последните информации за влошената безбедносна состојба на Блискиот Исток и затворањето на воздушните простори на повеќе држави од регионот,...
Европскиот парламент нема надлежност да изразува мислење за прашања како што се идентитетот, јазикот, вели бугарскиот министер Георгиев
Ниту еден обид за заобиколување на консензусот од 2022 година за Северна Македонија нема да биде успешен. Европскиот парламент нема...
(Видео) Иран нападна американски бази во Катар со балистички ракети
Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз...
Трамп до Медведев: Не го употребувајте лесно зборот „нуклеарен“
Американскиот претседател Доналд Трамп денес му рече на заменик-претседателот на Советот за безбедност на Руската Федерација, Дмитриј Медведев, да не...
По најавите за претстојниот топлотен бран, ИЈЗ со препораки за заштита на граѓаните
Институтот за јавно здравје повикува на почитување на мерките на заштита на здравјето на општата популација и на ранливите групи...
Беџети најави проширување на Европскиот фронт и ги повика Влен и ВМРО-ДПМНЕ на предвремени избори
Координаторот на пратеничката група на Европскиот фронт, Блерим Беџети најави проширување на коалицијата не само со политички партии туку и...
Мајка и нејзините три деца ќе бидат евакуирани од Тел Авив со лет до Грција, МНР апелира да не се патува на Блискиот Исток
Мајка и нејзините три деца утре ќе бидат евакуирани од Тел Авив и со авион пренесени до Атина, во рамки...
Топлотен бран во Македонија: од среда температури до 40 степени
Под влијание на многу топла воздушна маса од југ следува период на топло време со пораст на температурите. Особено топло...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
ДОМ ја напушта коалицијата со СДСМ
Централниот одбор на ДОМ (Демократска обнова на Македонија) на седницата која ја одржа викендов одлучи да ја напушти коалицијата со...
Нефункционални лифтови и проблеми со топла вода во домовите, алармираат студентите
Универзитетското студентско собрание на Универзитетот „Св. Кирил и Методиј“ во Скопје (УСС-УКИМ), имајќи ја предвид важноста на безбедноста, удобноста и...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
САД го нападнаа Иран
Американскиот претседател Доналд Трамп објави дека САД ги завршиле нападите врз три нуклеарни постројки во Иран, вклучувајќи ги Фордо, Натанц...
Протестираме за вашите деца оти утре ден не дај боже да се случи истото – татко кој загуби син ги повика кочанчани масовно да им се приклучат
Таткото кој го загуби синот во пожарот во дискотеката „Пулс“ во Кочани, го повика населението во градот масовно да излезе...
