Европа
Протести во Шпанија за укинување на борбите со биковите
Илјадници луѓе излегоа во саботата на улиците на шпанската престолнина Мадрид, протестирајќи против суровото однесување кон животните и укинување на коридата, традиционалните борби со бикови.
Илјадници луѓе излегоа во саботата на улиците на шпанската престолнина Мадрид, протестирајќи против суровото однесување кон животните и укинување на коридата, традиционалните борби со бикови.
Протестот намерно се совпадна со одбележувањето на Торо дела Вега, кој се одржува секој трет вторник во септември во Тордесиљас, во областа на Вајадолид, Овој древен обичај постои уште од средниот век, од 1453 година. Ритуалот ги симболизира двете спротиствени сили – човекот и бикот. Животното се пушта, и бикот јури низ градот. Гонето од толпата, животното се втерува на мегданот каде што се одвива „битката“, кога толпата го гаѓа со стрелички, некогаш копја, и камења.
Минатата година против овој празник во Мадрид протестираа повеќе од 80 илјади луѓе. Како резултат на тоа, поборниците на правата на животните успеаја да постигнат некои од своите цели, па во мај 2016 година владата на северниот регион Кастилја и Леон донесе закон со кој се забранува убивањето на животното, ставајќи крај на одбележувањето на Торо де ла Вега во неговиот традиционален облик. Сега од градските советници на Тордесиљас зависи дали ќе се одржи и како ќе заврши празнувањето во овој град.
Демонстрантите носеа транспаренти на кои беше истакнувано дека „коридата е национална срамота“ и дека „школите за тореадори се школи за свирепост“.
Иницијатор на протестите во саботата во шпанската престолнина коишто се одвиваа под мотото „Мисија – откажување“, беше Партијата против суровоста кон животните (PACMA). Говорниците од редовите на партијата повикуваа на прекинување на сите приредби со бикови и крвави свечености.
Партијата PACMA, основана пред 13 години, придобива се повеќе активисти и демонстранти. Партијата на јунските парламентарни избори успеа да освои повеќе од 284.000 гласови. Таа се залага за забрана на коридата и предупредува на свирепоста на некои традиционални обичаи.
Медиумите одбележуваат дека во текот на минувањето на демонстрантите до централниот мадридски плоштад Пуерта дел Сол предупредувајќи дека коридата е мачење, некои минувачи одговарале дека тоа е лага, што ја одразува острата полемика којашто за оваа тема се води во Шпанија.
Каталонија ја забрани коридата во 2012 година. Неколку општини и региони во земјата усвоија прописи за укинување на субвенционирањето на борбите со бикови, ако и за нејзина зарана./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.