Евтаназија на малолетник е изведена во Белгија, што е прв случај на примена на правилата која ова држава ги усвои во 2014 година за да се дозволи лекарски потпомогната смрт на деца од сите возрасти, соопшти во саботата претседателот на националната комисија за евтаназија.
 

Евтаназија на малолетник е изведена во Белгија, што е прв случај на примена на правилата која ова држава ги усвои во 2014 година за да се дозволи лекарски потпомогната смрт на деца од сите возрасти, соопшти во саботата претседателот на националната комисија за евтаназија.

Претседателот на белгиската комисија за евтаназија Вим Дистелманс напишал во соопштение дека за првиот вакво случај во комисијата минатата седмица јавил локален лекар. Малолетното лице било во критична состојба, но не се познати повеќе информации, пишува Reuters.

Белгискиот парламент во февруари 2014 година со речиси двојно мнозинство го усвои законот за евтаназија на малолетници. Белгија ја воведе евтаназијата во 2002 година за лица над 18 години, а по 12 години нејзиниот закон стана сличен на оној во соседна Холандија каде што долната граница е поместена на 12-годишна возраст. Белгиското законодавство всушност не ја утврдува старосната граница, но наведува дека пациентот мора да биде свесен за неговата ситуација и да го разбира значењето на барањето евтаназија.

По Холандија и Белгија, и Луксембург во 2009 година, исто така, ја одобри евтаназијата на неизлечливите пациенти, но само за возрасни лица. Во Швајцарија, лекарите можат да им помогнат на пациентите да ставата крај на своите маки, но евтаназијата самата посебе е нелегална.

Меѓутоа, Белгија е единствената земја којашто ја дозволува евтаназијата на малолетници од сите возраст. Во периодот меѓу 2003 и 2013 година во Белгија биле евтанизирани 8.752 луѓе, соопшти државната комисија за контрола на евтаназијата.

Со законот се овозможува првото на малолетници при согласност на родителите или родителите на дете со инвалидитет да побараат евтаназија. Барањата ќе бидат одобрени само во случај детето да страда од неизлечиво заболување и „да доживува постојано физичко и душевно страдање“, коешто „не може да се ублажи“. Покрај тоа, неопходна е и потврда од психолог дека детето „е целосно свесно за последиците“. Според белгискиот закон, мора да бидат исполнети строги услови: пациентот мора да боледува од неизлечива болест, мора „да биде правно способен и свесен“ и мора да го формулира своето барање „доброволно, промислено и повторено“, без никаква принуда./крај/мф/сн

Извор: Макфакс