Европа
Стотици илјади на протестите против TTIP и CETA во Германија
Во седум градови ширум Германија во саботата се одржуваат протести против трансантлатските трговски договори Трансантлантското трговско и инвестициско партнерство (TTIP) со САД и сличниот договор за кој Европската унија во моментов преговара со Канада – Сеопфатниот економски и трговски договор (Comprehensive Economic and Trade Agreement – CETА), се собрале стотици илјади луѓе, а властите оценуваат дека станува збор за помала бројност од најавената.
Во Берлин, според процените на полицијата од саботата вечерта, на улиците излегле околу 70.000, а биле најавени најмалку 100.000 луѓе, во Хамбург протестирале 30.000, во Келн 40.000, во Франкфурт – 25.000, во Минхен – 23.000, а во Штутгарт на улиците излегле 20.000 противници на трговските договори на ЕУ со САД и со Канада. Масовни протести имало и во Лајпциг, но бројот на учесниците не е познат уште, соопштила локалната полиција.
Организаторите, пак, соопштија дека полицијата дава намерно помали податоци за бројот на демонстрантите, и според нив во целата земја излегле 320.000 луѓе, од кои во Берлин – 70.000, во Хамбург – 65.000, во Келн – 55.000, во Франфурт – 50.000, во Штутгарт – 40.00, во Минхен – 25.000 и во Лајпциг – 15.000 демонстранти.
Претходно организаторите, меѓу кои граѓанското еколошко движење Naturfreunde Deutschlands, кое обединува германски синдикати и конфесионални групи, на кои им приклучија и партиите Зелени и Левица, најави дека во Берлин под мотото„Да ги сопреме CETA и TTPI! За поправедна светска трговија“, ќе излезат 100.000 луѓе, а во другите градови најмалку 30.000 , но соопшти дека бројноста ќе била поголема бидејќи преку целиот ден во целата земја периодични има поројни дождови.
Противниците на трансатлантските трговски договори стравуваат дека со нивното стапување на сила би биле намалени високите европски стандарди за заштита на потрошувачите и на природната околина.
„Ние не сме антиамерикански расположени, ние се противиме на трговски договори и трговските односи со другите земји. Но факт е дена одлуките за TTIP и CETA се носат на нетранспарентен начин, со нарушување на стандардите на демократските процедури, и им одат на рака само на оние кои се обидуваат да поттикнат стравови во Европа“, соопштија организаторите.
„Бараме транспарентни и чесни разговори и подготовки за TTIP и за CETA. Додека тоа не стане реалност, нема да заминеме од улиците. Се спротиставуваме на арбитражните судови (што е услов на американската страна во преговорите за TTIP). Ние сме против тоа на работодавачите и синдикатите да се гледа исклучиво како на субјекти во пазарната економија“, изјави еден од говорниците во Берлин поздравен од повиците на толпата.
Пред протестите во Германија, комесарката на Европската комисија за трговија Сесилија Малстром во интервју за германскиот дневен весник Bild на организаторите на протестите им префрли дека ширеле невистини. „;Многумина противници на TTIP не ги занима премногу вистината. Во расправата околу TTIP и CETA има многу недоразбирања, баји и лаги“, тврди Малстром.
Германскиот вицеканцелар Зигмар Габриел изјави за новинарите во Берлин, дека не гледа можност да биде постигнат договор за TTIP до крајот на годината, бидејќи тоа би значело да се направат големи отстапки на САД од европска страна. Европејците не се должни тоа да го направат, рече Габриел, чиј став се разликува од оној на канцеларката Ангела Меркел, и е поскептичен во врска со изгледите за постигнување на договорот и ја опиша како „чиста фикција“ претпоставката дека двете страни можат да го подготват договорот во следните неколку месеци. Самата Меркел, пак повикува да се поддржи TTIP, тврдејќи дека ќе донесе нови работни места.
Американскиот претседател Барак Обама во петокот го ангажираше гувернерот на сојузната држава Охајо, Џон Кејсик, да му помогне да ги увери републиканците да го прифатат договорот за Трансантлантското трговско и инвестициско партнерство (TTIP), пред за четири месеци да му истече мандатот. Овој невообичаен потег е последниот обид на Белата куќа да ги убеди републиканците во Конгресот да го усвојат на седмицата пои претседателските избори на 8-ми ноември. Мандатот на Обама, завршува околу 20-ти јануари следната година.
Републиканците традиционално ги поддржуваат трговските договори, но нивниот претседателски кандидат Доналд Трамп смета дека поради нив се намалува бројот на работните места во САД, и се закани дека ќе ги укине доколку биде избран за претседател. Но и демократската кандидатка Хилари Клинтон се противи на договорот кој е непопуларен и меѓу синдикатите и активистите за зачувување на природната средина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.