Челниците на Русија, Украина, Франција и Германија, во понеделникот, како што беше најавено, имаа уште еден четиристран телефонски разговор при што рускиот и украинскиот претседател, Владимир Путин односно Петро Порошенко се договориле да работат на примирјето меѓу проруските бунтовници и украинската влада, како и на што поскоро воспоставување на ефикасни погранични контроли, објави во понеделникот вечерта Елисејската палата.
 

Челниците на Русија, Украина, Франција и Германија, во понеделникот, како што беше најавено, имаа уште еден четиристран телефонски разговор при што рускиот и украинскиот претседател, Владимир Путин односно Петро Порошенко се договориле да работат на примирјето меѓу проруските бунтовници и украинската влада, како и на што поскоро воспоставување на ефикасни погранични контроли, објави во понеделникот вечерта Елисејската палата.

Соопштението следуваше по новиот долг телефонски разговор, трет за последните неколку дена, меѓу германската канцеларка Ангела Меркел, францускиот претседател Франсоа Оланд, како и претседателите на Руската Федерација, Владимир Путин, и на Украина, Петро Прошенко.

Според соопштението на кабинетот на претседателот на Франција, „по долгиот разговор Путин и Порошенко се договорија да работат на ослободување на заложниците и заробениците, како и на организацијата на содржинските трипартитни преговори“, се наведува.

Елисејската палата, исто така, истакна дека Путин и Порошенко се согласиле да работат на реализација на план од пет точки, како и дека конкретизирале да биде зајакната контролата на трите гранични премина – Изварино, Должан и Краснопартизанкс. .

Притоа се потсетува дека Порошенко во неделата го повикал Путин да ја зајакне контролата на заедничката граница за да се спречи доаѓањето на милитантите и доставувањето оружје во источна Украина каде што изминатите денови беше нарушувано примирјето при што загина и снимател на руска телевизија.

Примирјето коешто го прогласи украинскиот претседател Порошенко на 20-ти јуни, завршуваше на 27-ми јуни, но беше дополнително продолжено за уште 72 часа и завршува во понеделник навечер во 21 часот по средноевропско време.

Кремљ од своја страна за истиот четиристран телефонски разговори издвои дека челниците на Русија, Украина, Германија и Франција се договориле за брзо организирање на третиот круг од преговорите на спротиставените страни.

„Челниците се изјаснија во полза на брзото организирање на третиот круг од консултациите меѓу претставниците на Киев и на југоисточните региони“, се вели во соопштението на кабинетот на Путин.

Притоа се посочува дека рускиот претседател ја истакнал важноста од продолжување на прекинот на огнот и воспоставување сугурен механизам за набљудување на примирјето со активна улога на мисијата на Организацијата за безбедност и соработка во Европа (ОБСЕ).

Според Кремљ, лидерите на четирите земји се согласиле да им порачаат на нивните министри за надворешни работи веднаш да стапат во контакт за „практично разработување на прашањата опфатени во телефонскиот разговор“. /крај/мф/сн

Извор: AFP/РИА Новости