Европа
Путин: Русија нема да биде вовлечена во конфликт наметнат отстрана
Русија нема намера да биде вовлечена во конфронтација којашто и’ се наметнува, меѓутоа е подготвена на дијалог за сите отворени прашања, изјави во петокот рускиот претседател Владимир Путин.
Русија нема намера да биде вовлечена во конфронтација којашто и’ се наметнува, меѓутоа е подготвена на дијалог за сите отворени прашања, изјави во петокот рускиот претседател Владимир Путин.
„Сакам да истакнам дека Русија нема намера да влегува во конфронтација, којашто силно ни се наметнува. Ние сме отворени за рамноправен дијалог со меѓусебно почитување за сите проблеми од глобален и од регионален карактер“, изјави рускиот претседател на средбата во Кремљ со група високи офицери на кои неодамна беа одликувани и именувани на повисоки функции.
Путин истакна дека воената доктрина на современата руска армија има одбранбен карактер.
„Главната задача е нејзиното спроведување (на доктрината), за да се осигури суверенитетот на земјата, мирот и спокојството на нашите граѓани“, додаде рускиот претседател.
Притоа Путин истакна дека е неопходно „доследно и прецизно исполнување на сите планови за подобрување на вооружените сили и другите структури надлежни за националната безбедност“.
Говорејќи за снабдувањето на руската армија со современа опрема, Путин истакна дека денес уделот на новото вооружување во стратешките нуклеарни сили на земјата изнесува околу 55 отсто, во воздухопловните сили околу 35 проценти, во воената морнарица над 50 отсто, додека во Копнените сили во оклопните и мобилизираните единици современата опрема и вооружување изнесува речиси 70 отсто, пренесува РИА Новости.
Путин, исто така, го истакна дека значителното зголемување на борбената подготвеноста на единците и формациите, што според него било потврдено во текот на ненајавените проверки кога воените маневри на руските воени сили во пограничните области во услови на украинскиот конфликт предизвикуваа осуди до западните земји и од НАТО, како и резултатите од повеќе од три илјади вежби на различни нивоа./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.