Европа
Путин топло примен во Унгарија, и покрај заладувањето со ЕУ
Рускиот претседател Владимир Путин во текот на неговата посета на Будимпешта продолжување на испораките за Унгарија на рускиот гас со што беа потврдени добрите односи меѓу двете земји, додека поголемиот дел од Европската унија, чија членка е и Унгарија, ги залади односите со Русија следејќи го примерот на САД и обвинувајќи ја за нејзината наводна улога во кризата во Украина, недвосмислен е заклучокот по разговорите договори во вторникот вечерта меѓу рускиот челник и унгарскиот премиер Виктор Орбан.
Западните медиуми истакнуваат дека самиот факт што Путин ја посети Унгарија ги истакнува тие односи, бидејќи рускиот претседател не престојувал во билатерална посета на некоја земја од Европската унија од јуни 2014 година, кусо пред уривањето на малезискиот патнички авион во рускојазичниот побунет исток на Украина, за што Запад и покрај немањето докази, напротив во обратна насока, ја обвини Москва и од неа поддржуваните рускојазични бунтовници во Украина.
По неколкучасовните разговори Путин и Орбан на заедничката прес-конференција изјавија дека постигнале договор за продолжување на испораките на рускиот гас кој истекува годинава. Додадоа дека потребно е уште да се уредат некои технички поединости пред тој да биде потпишан.
Унгарскиот премиер Виктор Орбан изјави дека е решен еден голем камен на сопнување, клаузулата во досегашниот договор која предвидуваше дека Унгарија мора да плати за нарачаните количества гас иако не ги искористила. Додеаде дека Унгарија сеа може да го употреби преостанатото количество гас според договорот следните години и да плати кога ќе ги повлече тие количества.
Орбан, исто така, ги критикуваше оние кои се обидуваат да ја изолираат Русија на меѓународната политичка сцена, што е став кој е дијаметрално спротивен од оној што декларативно го заговараат челниците во Европската унија.
„Мислам дека исклучувањето на Русија од Европа не е рационално. Секој што мисли дека Европа може да биде конкурентна, дека европската економија може да биде конкурентна без економска соработка со Русија, секој што мисли дека Европа може да има енергетска сигурноста без енергијата којашто доаѓа од Русија, тој лови сеништа“, порача унгарскиот премиер на прес-конференцијата.
Орбан и Путин пред новинарите потврдија дека ќе го продолжат наследникот на проектот „Јужен поток“, гасоводот кој требаше да го пренесува рускиот гас до јужна Европа, кој го прекина Москва . Притоа Путин уште еднаш повторни дека тој проект е невозможно да се продолжи во претходниот облик, појаснувајќи дека е прекинат поради притисоците од Брисел. Единствената можност за којашто разговарале двајцата челници е да се продолжи предложениот руски гасовод во Турција во гранки коишто ќе го пренесуваат гасот низ Грција и Балканот до Унгарија, што би претпоставило дека таков крак би минувал низ Македонија.
„Доколку тие (Европската комисија) повторно не не’ спречат, тогаш во основа можеме да реализираме дек од поранешниот проект ‘Јужен тек’ преку Турција“, рече Путин.
Доближувањето на Унгарија водена од Орбан кон Русија има своја политичка цена, коментира Reuters и додава дека многу западни дипломати, во прв ред американските политичари, велат дека се вознемирени од тоа што го оценуваат како лизгање на унгарскиот премиер во орбитата на Кремљ.
На домашната политичка сцена врските со Русија се чувствителна тема, бидејќи Унгарија по Втората светска војна беше во сферата на влијанието на Советскиот сојуз, а антикомунистичкото востание до 1956 година, беше задушено од тенковите на Црвената армија. Затоа во понеделникот навечер, цели 24 часа пред доаѓањето на Путин во Будимпешта против неговата посета протестираа околу илјада луѓе. Меѓутоа, последните години Унгарија има одлучни економски врски со Русија, и е една од малубројните земји кои остваруваат позитивен трговски биланс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.