Европа
Роми спијат пред општината во Малме
Околу 40 Роми, мигранти кои беа принудени да го напуштат кампот заради здравствени и безбедносни причини, ја поминаа ноќта пред вратите на општинската зграда во Малме, Шведска, каде планираат да останат и да протестираат против одлуката
Миргантите се дел од околу 200 луѓе, повеќето Роми од Романија и од Бугарија, кои престојуваа во контроверниот камп во индустриската зона на шведскиот трет по големина град.Кампот беше раччистен во вотрник, поради сомнеж дека претставува закана по безбедноста и здравјето на неговите жители и околината.Десетици кампери и се придружија на групата Роми кои својот револт го изразија пред портите на градското собрание во Малме, а 40 –тина од нив легнаа и преспаа на душеци и кебиња пред зградата.Полицијата вели дека во моментот ги категоризира активностите на мигрантите како мирна манифестација на незадоволство и затоа не преземаат никаква акција. Но, ова може да се промени ако мигрантите демонстрираат насилство или ако постават шатори.„Беше студено надвор пред општинската зграда“, вели Јоана Стенберг, репортер за шведскиот јавен сервис, SVT, во среда утрото., „Повеќето од луѓето ми рекоа дека ќе останат тука додека е потребно“, пренесува таа.На мигрантите им е дозволен легален престој во Шведска, со оглед на фактот дека се жители на Европската унија. Шведскиот премиер, Стефан Лофвен, се придружи на дебатата околу проблемот со овие мигранти и рече дека нивните матични земји Романија и Бугарија трбеба да преземат одговорност.„Тие се добредојдени да останат некое време во Шведска, но на долг рок, нивните матични земји треба да им осигураат работа, образовани и место за живеење“, вели лидерот на социјалдемократите.„Секако, тешко е за оние кои денеска не знаат каде да одат. Може да им понудиме дом за евакуација и поддршка пред да се вратат во Романија“, вели градоначалничката на Малме, Катрин Стјернфелд Јаме.Околу 40 луѓе од кампот одлучија да бидат сместени во објекти што им ги обезбеди градот за пет ноќи, а 20 одлучија да се вратат дома.Според шведскиот закон, локалните жители или гостите, може да се движат или да кампуваат речиси на кое било место, освен на резервирани јавни места или на приватен имот.Случајот со кампот во Малме и единствен затоа што сопственикот на земјата ги толерирал мигрантите шест месеци, пред да ја повика полицијата да ги исели./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.