Европа
Русија: ЕУ не сака да се одржи примирјето во Украина
Рускиот министер за надворешни работи Сергеј Лавров ја обвини во вторникот Европската унија дека не сака да се одржи примирјето во источна Украина.
На 12-ти февруари во белоруската престолнина Минск, прозападните украински власти во Киев и рускојазичните бунтовници постигнаа примирје, на коешто како гаранти се јавуваат челниците на Украина, Русија, Франција и Германија. Иако двете страни меѓусебно се обвинуваат за прекршувања на огнот, оцените се вклучително и на набљудувачката мисија на Организацијата за безбедност и соработка во Европа (ОБСЕ) за Украина, се дека тоа генерално се почитува.
Повеќето челници на Европската унија се надеваат дека примирјето во источна Украина може да се одржи, меѓутоа „примирјето не успеа да ги сопре сите борби па сега е речиси не постои“, изјави во интервјуто за Reuters латвиската претседателка Даља Грибаускајте, во чијашто земја Русите сочинуваат околу 5,5 отсто од вкупното население и се смета загрозена од наводната руска агресија.
Шефот на руската дипломатија Сергеј Лавров вината за тоа ја префрла на Киев и на прес-конференцијата во Москва ја обвини ЕУ дека ги игнорира нападите во коишто гинат цивили во областите кои се под контрола на рускојазичните бунтовници.
„Судејќи според одредени сигнали, некој во Европската унија сака Унијата да ѝ дозволи на украинската влада да не ги спроведува договорите од Минск“, изјави Лавров по разговорите со австрискиот министер за надворешни работи Себастијан Курц.
Лавров не изнесе детали, но ги истакна засилената воена активност на украинските сили последните седмици и ги карактеризираше како обиди за уривање на договорот за примирјето.
Од ЕУ не одговорија веднаш на изјавите на Лавров, туку вообичаено ги повикаа двете страни да се придржуваат до договореното во Минск но притоа ја апострофираа наводната одговорност на Москва..
Претходно, пак, во Рига претседателката Грибаускајте во споменатото интервју реле дека „Ситуацијата секако секојдневно се менува, но ние се потпираме на податоците на НАТО, а тие се такви што покажуваат дека договорот од Минск е завршен“.
Во нацрт изјавата подготвена за самитот на ЕУ со шесто источни земји, Украина, Ерменија, Азарбејџан, Белорусија, Грузија и Молдавија, сите поранешни советски републики и соседи на Русија, кој ќе се одржи подоцна во мај во рига, се наведува дека Европската унија ќе започне да го спроведува договорот за слободна трговија со Украина, од следната година, чиешто суспендирање беше повод за насилните протести во Киев кои доведоа до соборување на украинскиот претседател Виктор Јанукович, а подоцна и до конфликтот во рускојазичните источни региони.
Во заедничката изјава, за којашто се претпоставува дека ќе предизвика остра реакција на Москва, се наведува дека почетокот на примената на спогодбата ќе биде1-ви јануари 2016 година, што е една година подоцна од првично предвиденото.
Русија се залага одново да се одложи примената на овој договор, за уште една година, според толкување на неименуван украински дипломат за Ruteres, но ЕУ инсистира дека не може да има повеќе одложување.
Иако ЕУ е расположена да разгледаат прашањата коишто кај Русија предизвикуваат загриженост, спроведувањето „ќе биде главен приоритет на ЕУ и на унијата“, се наведува во нацрт изјавата.
Киев и Западот ја обвинуваат Москва дека наводно ги вооружува со оружје и војници рускојазичните бунтовници во источна Украина во судирите во кои од април 2014-та загинаа повеќе од 6.100 луѓе, според ОН. Русија, пак, одлучно ги отфрла овие обвинувања и бара тие да се потврдат со докази. Од друга страна, го обвинува Западот, особено САД со цел да го намали руското влијание во регионот, ги поттикнал и режирал минатогодишните безредија со стотина мртви во Киев со цел да го собори Јанукович кој времено го суспендираше потпишување на договорот со ЕУ со образложени за малата финансиска компензација од ММФ на над 600 милиони евра, која не може да ѝ помогне на земјата во длабоката економска криза, и набрзо доби руски заем во износ од 15 милијарди долари./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Огромен украински напад врз Русија: Москва е исто така цел, испратени десетици дронови
Масовен напад со беспилотни летала беше извршен ноќва во неколку региони во Русија, насочени кон Москва и Санкт Петербург, објавија руските власти и медиумите во петокот наутро. Првичните извештаи сугерираат дека нападите предизвикале пожари на брод во пристаништето Приморск и во објектот на „Лукоил“ во Смоленск, објавува „Киев индепендент“.
A Russian surface-to-air missile flies over the head of a resident in the Northwestern Russian city of Smolensk, scaring him, amidst an ongoing large-scale drone attack against targets in the city by the Ukrainian Armed Forces. pic.twitter.com/50cSDCAPI4
— OSINTdefender (@sentdefender) September 11, 2025
Регионалниот гувернер Александар Дрозденко изјави дека повеќе од 30 беспилотни летала биле соборени над регионот Ленинград. Тој рече дека остатоците паднале на неколку локации во Тосно, град оддалечен 53 километри од Санкт Петербург, но рече дека немало жртви или голема материјална штета. Делови од беспилотните летала се пронајдени и во селата Всеволожск, Покровскоје и Узмино.
The largest Russian oil port, Primorsk, was attacked in the Leningrad region, and a fire broke out on one of the ships, the governor reported pic.twitter.com/qrL1zDKn0f
— ASTRA (@ASTRA_PRESS) September 12, 2025
Дрозденко исто така потврди дека нападот предизвикал пожар на брод во пристаништето Приморск, најголемото руско пристаниште за товарење нафта на Балтичкото Море. Тој нагласи дека пожарот бил бргу изгаснат и дека нема ризик од потонување или истурање нафта. Заканата со беспилотни летала привремено го затвори аеродромот „Пулково“ во Санкт Петербург предизвикувајќи одложувања или откажувања на речиси 50 лета.
Главниот град исто така беше цел на напади
И главниот град на Русија беше цел на напади. Градоначалникот на Москва, Сергеј Собјанин, изјави дека најмалку девет украински дрона биле соборени во близина на градот. Тој на „Телеграм“ изјави дека службите за итни случаи биле испратени на местата на урнатините, но не даде детали за локациите или евентуалната штета.
Tonight’s map from dronbomber shows huge Ukrainian drone attack in three main directions, N, E and SW into fascist Russia- don’t think I’ve seen such an attack so large before. Map compiled from reports of drone activity from Russian sources. pic.twitter.com/tVe54ASyHV
— Euan MacDonald (@Euan_MacDonald) September 11, 2025
Во исто време, руските канали на „Телеграм“, повикувајќи се на извештаи од жители, објавија експлозии во населбите Можајск и Дедовск во Московскиот Регион, западно од градот.
Пожар во фабриката „Лукоил“
Нов бран дронови го погоди и рускиот град Смоленск. Гувернерот на Смоленската област, Василиј Анохин, потврди дека дејствуваат противвоздушни единици, но не даде дополнителни информации.
“Sh*t! Lukoil is fu*ked up!” – reports are appearing in Russian media about explosions in Smolensk region of Russia. pic.twitter.com/NsZHlGiJQF
— Anton Gerashchenko (@Gerashchenko_en) September 11, 2025
Жителите пријавија експлозии, а на социјалните мрежи се појавија снимки на кои наводно се гледа пожар во блискиот објект на „Лукоил“, со густ чад и пламен што се издига од непозната локација.
Украинската војска сè уште не ги коментира нападите. Украина наводно ја променила својата стратегија за беспилотни летала во последните месеци за да ги попречи руските воздушни операции и да ја направи војната видлива за руското население.
Нападот се случи само неколку дена откога Русија изврши рекорден напад со беспилотни летала и ракети врз Киев, како и инцидент во кој руски беспилотни летала го нарушија полскиот воздушен простор.
фото: принтскрин
Европа
Украински воен пилот загина за време на борбена мисија
Олександр Боровик, 30-годишен пилот од 39-та украинска тактичка авијациска бригада, загина вчера додека извршуваше борбена мисија во секторот Запорожје на фронтовската линија, потврди неговата бригада.
Боровик летал околу 13:30 часот по локално време кога се случил инцидентот. „Причините и околностите за неговата смрт се под истрага. Изразуваме искрено сочувство до семејството и пријателите на Олександр. Вечно сеќавање на Херојот“, се вели во соопштението.
Во краткото соопштение не се наведува што се случило со воениот авион, но со оглед на тоа што пилотот бил убиен, се претпоставува дека авионот бил уништен.
Русија моментално контролира околу 70% од Запорошката област, но главниот град на областа, Запорожје, останува под украинска контрола.
фото: принтскрин
Европа
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа заедно со НАТО, по руските упади со беспилотни летала во Полска, додека Германија изјави дека ќе ги засили своите обврски на источното крило на НАТО.
„Вчера му го дадов ова ветување на полскиот премиер Доналд Туск“, објави францускиот претседател Емануел Макрон денес на Икс, додавајќи дека разговарал и со генералниот секретар на НАТО, Марк Руте, и со британскиот премиер Кир Стармер.
„Нема да попуштиме пред зголеменото заплашување од Русија“, рече тој.
Германија, исто така, ќе ги засили своите обврски на источното крило на НАТО по инцидентот со дроновите во Полска, изјави владиниот портпарол Стефан Корнелиус.
Тој рече дека војската на германскиот Бундесвер ќе го прошири и продолжи својот воздушен надзор над Полска. Два борбени авиони „Еурофајтер“ на Бундесвер веќе извршуваат извидувачки летови над Полска, кои беа планирани до 30 септември. Тие полетуваат од нивната база во близина на северниот германски град Росток.
Мерц: Ова е сериозен инцидент, а не несреќа
Бројот на авиони сега ќе се удвои на четири, а извидувањето е продолжено најмалку до 31 декември, соопшти германското Министерство за одбрана. Канцеларот Фридрих Мерц вчера изјави дека не верува дека нарушувањето на полскиот воздушен простор од страна на руски беспилотни летала е несреќа, туку инцидент што претставува многу сериозна закана за мирот во цела Европа.
Варшава регистрираше 19 нарушувања на својот воздушен простор од страна на руски беспилотни летала завчера и вчера. Русија негираше одговорност за инцидентот. Полска беше поддржана од своите сојузници во НАТО во соборувањето на беспилотните летала, прв пат членка на воениот сојуз да отвори оган за време на војната на Русија во Украина.
Полскиот претседател го опиша инцидентот како обид на Русија да го тестира одговорот на Варшава и НАТО. Советот за безбедност на Обединетите нации ќе се состане утре за да разговара за упадите на беспилотните летала во полскиот воздушен простор.
фото: принтскрин
Се уште има чадење од Дрисла, но во помал обем, дивата депонија Вардариште е целосно изгасната, вели Ангелов
Чадењето од депонијата Дрисла е се уште присутно, но во многу помал обем и не е причина за маглата, вели...
(Видео) Огромен украински напад врз Русија: Москва е исто така цел, испратени десетици дронови
Масовен напад со беспилотни летала беше извршен ноќва во неколку региони во Русија, насочени кон Москва и Санкт Петербург, објавија...
(Видео) Венс ја држеше раката на ковчегот на Кирк додека војниците го качуваа во авионот
Ковчегот со телото на Чарли Кирк пристигна во неговата матична држава Аризона со „Air Force Two“. Уша, сопругата на американскиот...
Болсонаро осуден на 27 години затвор
Поранешниот бразилски претседател Жаир Болсонаро е осуден на 27 години и три месеци затвор за заговор за воен удар за...
Трамп: Вдовицата на Кирк е скршена, напаѓачот е левичарски лудак и животно
Американскиот претседател Доналд Трамп разговараше со новинарите на јужниот тревник на Белата куќа пред да полета за Њујорк. Фокусот на...
(Видео) Објавена првата снимка од осомничениот за убиството на Чарли Кирк
Објавено е првото видео од осомничениот за убиството на најистакнатиот американски десничарски активист Чарли Кирк, јавува Си-ен-ен. Видеото, објавено од...
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
