Европа
Русија го објави својот главен сведок за уривањето на малезискиот Boeing
Истражниот комитет на Русија во средата го објави името на името на главниот сведок за падот на малезискиот патнички авион со 298 патници и членови на екипажот во јули 2014-та во близина на Донецк каде што се водеа борби меѓу прозападните сили лојални на Киев и рускојазичните бунтовници, за што меѓусебно се обвинуваат Западот и Киев од една страна и Москва од друга.
Станува збор за државјанинот на Украина, Евгениј Агапов, кој се наоѓа во Русија под заштита на државата, извести во средата портпаролот на Истражниот комитет на Руската Федерација, Владимир Маркин.
Евгениј Владимирович Агапов, како што посочи Маркин, е сведок, и тој работел како механичар за вооружување на Првата ескадрила од бригадата за тактичка авијација на воздухопловните сили на Украина, единци №A4465.
Претходно беше објавено дека во истрагата што ја отворија руските власти за уривањето на малезискиот авион на околу 60 километри од украинско-руската граница во зоната на борбени дејствија, оперативните служби добиле сознанија од државјанин на Украина, кој доброволно ја минал границата со Русија и изразил желба да соработува со руските истражни органи. Како што и минатата година објави Истражниот комитет, Агапов бил подложен на полиграфско испитување за тоа дали ја зборува вистината и притоа било утврдено дека тој во споменатиот период бил во активна служба во армијата на Украина.
Од сослушувањето на Украинецот, наводно, може да се извлече заклучокот дека малезискиот патнички авион би можел да биде урнат од украински „Су-25“, кој бил пилотиран од капетан на украинското воено воздухопловство по презимето Волошин. Според изјавата на сведокот, борбениот лет бил изведен од аеродромот лоциран во областа на градот Днетропетровск.
Руските медиуми уште претходно пишуваа дека сведокот тврди дека на 17-ти јули 2014 година по ручекот на борбена мисија полетал авион од типот „Су-25“ на украинските воздухопловни сили, пилотиран од капетанот Волошин. Овој авион се вратил на аеродромот со испуштена муниција, додека Волошин на своите колеги им рекол дека „авионот се нашол во погрешно време на погрешно место“. Подоцна, како што смета руската истрага, сведокот дознал дека истиот ден, се урнал малезискиот патнички авион.
Тој тврди дека лично видел кога пред полетувањето авионот на Волошин бил опремен со проектили „воздух – воздух“ од типот „Р-60“, со кои во вообичаени услови на борбени летови авионите од типот „Су-25“ не биле опремувани, туку со проектили „воздух – земја“. Сведокот забележал дека таквото вооружување на авионот било необично, затоа што проруските бунтовници во источна Украина не поседуваат летала против кои би биле употребени проектилите „воздух – воздух“. Тој веднаш забележал дека по враќањето на авионот на аеродромот ракетите ги немало на леталото и истовремено го слушнал пилотот кој на еден од своите колеги му рекол „Тој (авионот) беше во погрешно време и на погрешно место“.
За овој сведок била обезбедена заштита од страна на државата на територијата на Русија. Неговото сведочење е темелно проверено од страна на истрагата , вклучително и со полиграф, рече во средата Маркин, пренесуваат руските агенции. „Бидејќи во моментов има нов доказ за веродостојноста на исказот на сведокот, како и од различни извори, кои се однесуваат и на сомневањето на одредени медиуми за реалното постоење на сведокот, во оваа фаза одлучивме да ја тргнеме ознаката за доверливост од него“, истакна Маркин.
Според Маркин, Истражниот комитет, исто така, побарал од рускиот концерн за производство на оружје „Алмаз-Алтај“ заклучоци за можната причина за несреќата. Претходно во вторникот, претставник на компанијата изјави во Москва, дека според расположлиците фрагменти и други докази, малезискиот авион би можел да е урнат со проектил кој го произведувала компанијата за ракетните системи „Бук-М1“, но кои во Русија биле произведувани до 1999 година, а сé уште се вооружувањето на украинската армија. Тој, исто така, рече дека според фрагментите од остатоците од урнатиот авион може да се пресмета дека траекторијата на евентуалниот проектил дошла од правец на област која во време на судирот била под контрола на украинските сили.
„Истражниот комитет на Русија продолжува со истрагата за кривично дело извршено од претставници на безбедносните сили на Украина, тешки и многу тешки злосторства против мирот и безбедноста на човештвото. Вчерашните заклучоци од корпорацијата ‘Алмаз-Алтај’ за можните причини за несреќата на патничкиот авион Boeing, која се случи на 17-ти јули 2014 година, секако, го предизвикува интересот. Тие наскоро ќе бидат побарани и внимателно проучени од страна на истрагата“, порача портпаролот Маркин.
Несреќата на авионот на 17-ти јули во Донецкиот регион е една од најголемата воздухопловна катастрофа во светот во изминатата 2014 година, загинаа сите 298 патници и членови на екипажот, а околностите уште се обвиени со голема мистерија што навистина се случило. Постојат повеќе контрадикторни изјави од меѓународни експерти и политичари.
Украина и САД тврдат дека малезискиот авион е соборен со систем кој бунтовниците им го дала Русија, додека Москва понуди сателитски и радарски снимки според кои таков систем „Бук-М“ на украинската армија бил распореден во зоната на судирот, како и дека авионот бил пресретнат од украински борбен авион./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.