Европа
Русија: Нова надмоќна победа на партијата на Путин
Владејачката партија Единствена Русија на претседателот Владимир Путин е уште еднаш голем победник на парламентарните избори кои се одржаа во неделата, според излезните анкети, но се забележува дека одѕивот на гласачите е понизок.
Единствена Русија освоила 44,5 отсто од гласовите, за разлика од 49 отсто на парламентарните избори во 2011 година. Според излезната анкета на институтот ВЦИОМ, Либерално демократската партија (ЛДПР) од крајната десница освоила 15,3 отсто, што е за 4 процентни поени подобро од пред пет години, а Комунистичката партија на Русија освоила 14,9 отсто што е помали за 5 отсто. На четврто место е Справедлива Русија со 8,1 отсто од гласовите.
Во излезните анкети на другите институт, како ФОМ и Левада центарот, главно постојат разлики во освоените проценти и борбата за втората позиција, но уверливата победа на Единствена Русија не е оспорена. Конечните резултати се очекуваат најдоцна во понеделникот утрото.
Кандидатите на Единствена Русија бројно надмоќно водат и во трката за другата половина од местата во Државната дума, долниот дом на русиот парламент. Имено ова се први избори кои ќе се одржат според новиот изборен систем, кој стапи на сила во 2014 година. Половината од 450-те пратеници се избираат преку партиски листи, а другата половина непосредно.
„Можеме отворено да кажеме дека нашата партија победи“, изјави пред телевизиските камери челникот на Единствена Русија и премиер Дмитриј Медведев, кој беше носител на партиската листа.
Претседателот Владимир Путин, кој беше покрај Медведев, изрази задоволство од „добриот резултат“ на партијата, иако одѕивот „не беше меѓу највисоките, но сепак беше добар“. Путин оцени дека овие избори се важни, бидејќи се последни национални избори пред претседателските во 2018 година, на коишто најверојатно, во што никој во Русија и надвор од неа не се сомнева, тој повторно ќе се кандидира за четвртиот мандат, со паузата кога беше премиер.
Путин притоа оцени дека „резултатите од изборите покажуваат за растечката политичка зрелост на Русите. „Луѓето ја гледаат желбата на Единствена Русија за постигнување резултати и ѝ ја даваат довербата“, додаде претседателот.
Медиумите сепак ја истакнуваат слабата излезност, па прават споредба дека Централната изборна омисија во 18 часот по локално време соопшти дека одѕивот на гласачите бил 40 отсто, додека пред пет години изнесувал 51 отсто.
Првичните оцени на набљудувачите и на изборната комисија се дека изборите се одвивале без нарушувања, освен што на големиот број руски гласачи во Украина им било оневозможено да гласаат во многуте руски дипломатски мисии во соседната земја.
Поради обвинувањата од слабата опозиција поддржана од Западот во 2011-та, овојпат беа донесени прописи и закони за поголема транспарентност на изборниот процес. Така, работата на изборната комисија беше пренесувана директно константно на државната телевизија, на која се зборуваше и за можната измама како што е ткн „затрупување“ на избирачките кутии со ливчиња.
Опозициските партии кои се означуваат како либерални на кои со симпатии е гледа на Западот и се остри противници на начинот на кој Путин ја води Русија, не успеаја да го минат изборниот праг од 5 отсто, кој за овие избори во настојувањата на Москва да го демократизира изборниот процес беше симнат од поранешните 7 проценти.
Сепак, иако изборите се одржаа во неповолна атмосфера за владејачката партија, бидејќи руската економија е во рецесија од крајот на 2014 година, а економската криза е најдолгата од 2003 година, како и дека руската економија, која инаку силно се потпира на извозот на енергија, во моментов минува низ најдлабоката рецесија во последните 16 години, или откако на власт дојде Владимир Путин, поради ниските цени на пазарот и западните санкции воведен поради наводната улога на Русија во судирите во Украина и куповната моќ на просечниот Русин е во опаѓање во контекстот на слабеењето на руската рубља којашто од 2013 година загуби речиси половина од вредноста, резултатите покажаа дури и зголемена поддрша на Русите за политиките на Путин.
Имено, непосредно пред изборите популарноста на претседателот Владимир Путин во земјата се движи околу 80 отсто и покрај најдолгата рецесија во текот на неговите 16 години на челните позиции во Русија, додеа во 2013 година овој параметар се движеше околу 60 отсто,, а се смета дека неговиот подем започна по присоединувањето на Крим./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.