Европа
Русија преговара со Киев, Црвениот крст и ОН за хуманитарната помош
Рускиот министер за надворешни работи Сергеј Лавров во неделата изјави дека Москва е во преговори со Киев, Меѓународниот комитет на Црвениот крст и со Обединетите нации за испраќање хуманитарна помош во источна Украина каде ситуацијата на цивилното населени во бастионите на проруските бунтовници се оценува како критична.
„Сметаме дека сега приоритет да се постигне договор со украинската страна, Црвениот крст и хуманитарните агенции на ОН за потребата од итно испраќање хуманитарна помош во источните украински покраина Луганск и Донецк“, изјави за медиумите шефот на руската дипломатија Сергеј Лавров.„Сметаме дека прашањето е итно, не трпи одложувања и прашањето е под контрола на претседателот (Владимир Путин) на Руската Федерација. Очекувам дека ќе можеме да договориме доставување на помошта што е можно поскоро, до оние кои имаат неопходна потреба од неа“, изјави Лавров.„Во моментов сме во преговори со украинската страна, Црвениот крст и со хуманитарниот организации на ОН“, рече шефот на руската дипломатија.Прекинот на огнот кој би овозможил испраќање хуманитарна помош на населението, жртвите на судирите во источна Украина не само што е можен, туку е неопходно потребен, смета Лавров. „Станува збор којашто не поднесува чекање“, дополни во Сочи, пренесува Итар-Тасс. Аргументирајќи ја итноста од испраќањето на хуманитарната помош, Лавров им појасни на новинарите дека во Луганск нема електрична енергија и вода, како и дека болниците немаат доволно „дури и основни лекарства“. „Сево ова ја заострува хуманитарната ситуација, и јас буквално целите измината два дена зборував за тоа со министерот за надворешни работи на Украина и со државниот секретар на САД, шефот на британската дипломатија, и челникот на Меѓународниот комитет на Црвениот крст, како и со другите колеги“, рече Лавров.Луганск и Донецк се најголемите две бунтовнички упориште и последните неколку седмици траат жестоки судири во напорите на украинската армија да ја пресече територијата што ги поврзува и да продре во нивните предградија. Новиот премиер на самопрогласената Народна Република Донецк, етнички Украинец, Алескандр Захарченко, изјави дека е подготвен на прекин на огнот доколку украинската армија ги сопрат борбените дејствија кон градот за кој кажа дека е на работ од „хуманитарна катастрофа“, но истакна дека бунтовниците се подготвени да се борат бидејќи со „Киев не може да се разговара“, откако портпаролот на воената операција Алексиј Лисенко соопшти дека единствен услов за примирје е бунтовниците „да истакнат бели знамиња и да го положат оружјето“. Во Луганск, каде што за новинарите е невозможен пристапот, неколку дена нема електрична енергија, вода за пиење и телефонски врски, а резервите од гориво и храна се при крај./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.