Европа
Руските пратеници бараат списанието Charlie Hebdo да биде ставено на листата екстремистички материјали
Мнозинството руски пратеници во петокот поднесоа предлог до соодветната руска комисија со барање контроверзниот сатиричен магазин Charlie Hebdo, кој стана познат по објавувањето на навредливите за муслиманите карикатури на пророкот Мухамед и одмазничкиот напад во редакцијата во Париз кога беа убиени 12 луѓе, да биде ставен на списокот екстремистички материјали, поради објавување на карикатури во врска со авионската несреќа на патничкиот авион во Египет во кој загинаа 224 патници и членови на екипажот.
Како што пренесуваат руските агенции, пратениците во Думата, коишто и претходно имаа спротивни ставови во однос на објавувањето на карикатурите на пророкот Мухамед на страниците на Charlie Hebdo и кога во септември објави карикатура за смртта на сириското момченце во Егејот, на Facebook оценуваат дека објавувањето на карикатурите претставува „директно поттикнување на тероризам и убивање луѓе“. Пратеникот Алексеј Журавлев е убеден дека француските власти мора да го затворат ова списание „доколку не сакаат да бидат соучесници во ваквите злосторства“.
„А во Русија неопходно е Charlie Hebdo да биде ставен на списокот екстремистички материјали и да биде забранет “, додава Журавлев, пренесува агенцијата ТАСС, додавајќи дека за тоа ќе упати официјално пратеничко барање во соодветните руски институции.
Журавлев, исто така, има намера и од руското министерство за надворешни работи да преземе соодветни дипломатски чекори, додавајќи дека тоа може да биде изразено и во протесна нота до францускиот амбасадор во Москва.
Во најновиот број на сатиричното списание Charlie Hebdo насловната тема е падот на патничкиот авион на руската воздухопловна компанија „Когалимавиа“ на летот од египетското летувалиште Шарм-ел-Шејк за Санкт Петербург, кој се урна на Синајскиот полуостров, при што загинаа сите 224 луѓе.
Првата карикатура е во црно-бела композиција и прикажува брадест маж во бедуинска облека со автомат на грбот. Ликот е исплашен наведнат и се држи со рацете за главата. Над него паѓаат делови од авиони – мотор, шасија, делови од трупот. Меѓу објектите кои паѓаат е и фигура на еден од патници. „„Исламска држава (екстремната сунитска терористичка организација – з.р.). Русија го интензивира бомбардирањето“, стои во текстот кој ја следи карикатурата, алудирајќи на воздушната операција на руските сили против споменатата терористичка организација во Сирија.
На втората карикатура е претставен череп, кој зборува за опасноста од руските нискотарифни компании. „Требаше да летам со компанијата Air Cocane“, излегува текстот од устата на черепот.
Во јануари годинава двајца Французи од арапско потекло во Париз ја нападнаа редакцијата на Charlie Hebdoe поради објавувањето на карикатури за пророкот Мухамед, што во исламот се смета за богохулство. Во нападот беа убиени 12 луѓе, десет членови на редакцијата и двајца припадници на полициското обезбедување, кое беше доделено поради претходните закани и подметнувања пожари.
По овој терористички напад наместо дотогашниот нарачан тираж од 60 илјади примероци, максимално колку што се печатеше сатиричното списание Charlie Hebdo, новиот број беше отпечатен првично во милион парчиња, за потоа тиражот да биде зголемен на три милиона, а набрзо да достигне неверојатен за француските печатени медиуми – тираж од пет милиони примероци. За тоа беа ангажирани три меѓу најголеми печатници во Франција, а заработката се проценуваше на 10 милиони евра./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на „Телеграм“ соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети, најверојатно, биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, биле и инфраструктурата и станбените области. На фотографиите што ги објави Синехубов на „Телеграм“ се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата „Телеграм“.
„Ројтерс“ сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.