Европа
Собирот за поддршка на Ердоган во Келн собра 40.000 луѓе

На собирот за поддршка на турскиот претседател Реџеп Тајип Ердоган по неуспешниот обид за воен преврат од 15-ти јули, во неделата во Келн се собраа околу 40.000, а медиумите јавуваат дека имало и помали судири меѓу турските националисти со учесниците на друг протестен собир на Курдите.
На собирот за поддршка на турскиот претседател Реџеп Тајип Ердоган по неуспешниот обид за воен преврат од 15-ти јули, во неделата во Келн се собраа околу 40.000, а медиумите јавуваат дека имало и помали судири меѓу турските националисти со учесниците на друг протестен собир на Курдите.
Под мотото „Да за демократијата, не за државниот удар“ во Келн се собрале 40.000 Турција државјани на Германија, но и на соседните земји како Холандија и Белгија, во знак на протест против пропаднатиот обид за пуч од пред две седмици.
Еден од учесниците на собирот на Унијата на европско-турските демократи пред собирот во неделата најави повеќе од 50.000 учесници.
Собирот, кој официјално беше најавен како собир за поддршка на демократијата, но од германската јавност квалификуван како манифестација на поддршка на турскиот претседател Реџеп Тајип Ердоган, преку видео врска требаше директно да се обрати и самиот Ердоган, но тоа германските судови го забранија, што предизвика остра реакција на турските власти.
„Се прашуваме која е вистинската причина поради која германските власти го забранија обраќањето на турскиот претседател на своите следбеници“, изјави портпаролот на Ердоган, Ибрахим Калин, а турскиот министер за европски прашања Омер Челик рече дека забраната претставува „повреда на демократските принципи“. Турскиот министер за спорт и млади, Акиф Чакати Килич, кој присуствуваше на собирот во Келн, исто така, ја критикуваше забраната за обраќање на Ердоган на присутните на собирот.
Полицијата и судот во Келн претходно го забрани директното вклучување преку видео врска со образложение за да спречи „ситуација набиена со емоции“.
Паралелно со собирот на поборниците на Ердоган од едната страна на Рајна, од другата во градскиот центар се одржаа неколку протести на левичарски политички организации, меѓу кои беа и претставници на Курдите, а се одржуваше и протест на десната радикална партија Pro NRW на кој се собрале според процените на полицијата и медиумите само околу триста учесници.
Инциденти се случиле кога на еден плоштад во центарот на Келн, турските националисти нападнале протест на про-курдските организации, пренесуваат медиумите.
Германските политичари и голем дел од тамошната јавност со денови остро го критикуваат одржувањето на собирот во Келн зборувајќи за „продолжената рака на Ердоган во Германија“.
Многу политичари поддршката за Ердоган од Турците и граѓани на Германија од турско потекло ја доживуваат како доказ за недоволната интеграција и непочитување на основните демократски принципи на кои почива уставот на Германија. „Оној кој му ракоплеска на демонтирањето на турската демократија, тој не ги признава темелните вредности на германскиот устав“, реле генералниот секретар на владејачката CDU, Петер Таубер во разговорот за весникот Welt am Sonntag.
Германските политичари го критикуваа и доаѓањето на турски министри на собирот во Келн, додека истовремено турскиот претседател им забранува на пратениците во Бундестагот да и посетат турските војници распоредени во Турција.
Шефот на германската дипломатија Франк-Валер Штајнмаер предупреди пред собирот дека турските судири не смеат да бидат увезени во Германија.
Германско-турските односи со месеци се напнати поради зачестените критики во германските медиуми за претседателот Ердоган, а кулминираа откако Бундестагот османлискиот масакр над Ерменците во Првата свеска војна го квалификуваше како геноцид./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин