Европа
Шпанската полиција заплени 200 кгр кокаин скриени во ананаси

Шпанската полиција запленила 200 килограми кокаин со потекло од Латинска Америка, сокриен во ананаси од кои била извадена срцевината, соопшти во неделата тамошното министерство за внатрешни работи.
Плодовите исполнети со кокаин полицијата ги открила во пратка со десет контејнери со ананаси коишто пристигнале во Алгесирас, во југоисточна Шпанија, една од најголемите пристаништа во Европа, се додава во соопштението на министерството за внатрешни работи.
„Плодовите се пронајдени во контејнерите меѓу другите ананаси биле шупливи и исполнети со дрога во жолта опаковка за да личи на срцевината на ананасот“, се истакнува во соопштението и се додава дека полицијата уапсила три лица и не се исклучуваат други апсења.
Шпанија поради врските со своите поранешни латиноамерикански колонии стана главна дестинација преку која дрогите од Америка влегуваат во Европа. Притоа многу чести се заплените во пратки со јужни овошја, кои некогаш по грешка завршуваат и на рафтовите од продавниците.
Така на почетокот од 2010 година повеќе од 100 килограми кокаин сокриени во пакети со банани, наместо на наркопазарот завршија во повеќе супермаркети ширум Шпанија. Најголемото количество од оваа пратка или приближно 25 килограми кокаин беа пронајдени во еден од супермаркетите на познатиот синџир маркети на „Lidl“ во Мадрид.
Десетина дена пред тоа откритие, пак, шпанските власти открија поголемо количество наркотици сокриени во палети со цвеќе во еден авион кој пристигнал од Колумбија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин