Европа
Швајцарците го поддржаа законот за прислушување
Швајцарците, со 65,5 отсто од гласовите, како што покажуваат конечните резултати, на плебисцитот во неделата го поддржаа новиот закон за прислушување, што се оценува како победа на тамошната влада којашто тврди дека во светот со сé поголем насилство тајните служби мора да имаат поголеми овластувања.
За ваквите мери се изјаснило мнозинството во сите 26 кантони и полукантони во земјата, и покрај фактот што противниците на иницијативата изразија загриженост дека законот може да доведе до нарушување на граѓанските слободи. А според поддржувачите на иницијативата, новите мерки ќе помогнат за се заштитат граѓаните од терористичката закана.
Досега швајцарската полиција и разузнавачките служби имаа ограничени овластувања во споредба со другите западни земји. Прислушувањето на телефонските разговори и следењето на електронската пошта претходно беа забранети, без оглед на околностите.
Меѓутоа, со новиот закон тоа ќе се промени. Швајцарската влада е истрајна на тоа дека целта на референдумот не била воспоставување систем кој ќе прибира огромно количество податоци, слично на оној кој го разви американската Национална агенција за безбедност (NSA), чиишто активности пред две години во разобличи нејзиниот поранешен вработен Едвард Сноуден.
„Не станува збор за сеопшто прислушување. Се работи за тоа на разузнавачките служби да им се препушти да ја работат својата работа.“, изјави пратеникот и потпретседател на Христијанско-демократската партија, Јаник Бутет, за телевизијата мрежа RTS по објавувањето на резултатите од референдумот.
Министерот за одбрана Ги Пармелен изјави дека со новите мерки Швајцарија повеќе „не е во подрумот на меѓународните стандарди, туку на горниот кат“. Тој тврди дека швајцарскиот систем не може да се споредува со системот на „САД или на другите голени сили, коишто се борат да ја најдат вистинската рамнотежа меѓу приватноста и безбедноста“.
Прислушувањето на телефонските разговори и следењето на електронските комуникации ќе се спроведува само со одобрение на сојузниот суд, министерството за одбрана и владата, според новиот закон.
Истовремено, во неделата швајцарските гласачи го отфрлија предлогот за зголемување на државните пензии за 10 отсто. Оваа иницијатива беше поддржана од левите струи, а нејзините противници предупредуваа дека таа може да се одрази врз буџетот на земјата. Швајцарките избирачи, исто така, гласаа против воведувањето на „зелената економија“ во 2050 година, што се смета за многу скап проект./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.