Европа
Тежок избор за Јункер во пополнувањето на функцијата комесар за енергетика
Лошото претставување на словенечката кандидатка Аленка Братушек на сослушувањата пред Европскиот парламент, по што таа не успеа да го добие одобрувањето од европратениците за функцијата еврокомесар за енергетика, му предизвика големи главоболки на претседателот на Европската комисија, Жан-Клод Јункер, кој сега разгледува кои се можните опции за замената на Братушек.
Словенија на местото од Братушек ја предложи Виолета Булц – министер за развој и регионалната политика, која деновиве ќе има официјално интервју со Јункер, за тој потоа да одлучи кој ресор ќе и припадне, пишува European Voice.
Доколку Јункер одлучи на Булц да и даде друга функција во ЕК, тоа ќе наметне и спроведувањето на нови сослушувања во Европарламентот – освен тоа на Булц.
Според информациите на European Voice, европратениците се согласиле да одржат нови сослушувања следниот понеделник, а ова ќе му овозможи на Јункер навреме да го најави конечниот состав на неговиот тим, односно до 22 октомври.
Се очекува во среда Јункер да најави промени во Комисијата, а една од можностите е да на Булц да и го додели местото еврокомесар за транспорт, и словачкиот кандидат Марош Шефчович да стане потпретседател и комесар за енергетика, но европратениците од транспортната комисија не се согласуваат за вакво нешто.
Друга можност е Германецот Гинтер Етингер, на кого беше му беше доделена функцијата комесар за дигиталната економија и информатичко општество, повторно да ја заземе позицијата на еврокомесар за енергетика, но ова ќе и ја даде на Германија потпретседателската позиција во ЕК, што ќе ја наруши деликатната рамнотежа барана од Јункер.
Можно е Булц да добие го добие портфолиото за образование, култура, млади и државјанството, а европратениците веќе изразија резервираност во врска со доделувањето на овој ресор на Унгарецот Тибор Наврашич, земајќи ги предвид неодамнешните тензии помеѓу премиерот на Унгарија, Виктор Орбан и ЕК поради почитувањето на човековите права.
Пратениците во ЕП сепак нема да сакаат да го наградат Наврашич со функцијата потпретседател, па Јункер ќе мора да најде друга опција.
Последната можност е да се промени ресорот на Бугарката Кристалина Георгиева, која веќе е одобрена од Европарламентот на позицијата потпретседател и комесар за буџет и човечките ресурси, и да го заземе местото комесар за енергетиката, но тоа сепак нема да го реши прашањето со испразнетата функција на потпретседател на Комисијата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.