Европа
Туск: Европа поради Грција дојде на работ од бездната
Европа дојде на работ од катастрофата кога преговорите меѓу Грците и нејзините доверители кон крајот на минатата седмица речиси пропаднаа, изјави во интервјуто објавено во петокот во атинскиот дневен весник Kathimerini, претседателот на Европскиот совет, Доналд Туск.
По 17 часови преговори двете страни во понеделникот утрото постигнаа договор со што беше спречен финансискиот колапс на Грција и нејзиното излегување од еврозоната. Претседателот на Европскиот совет, Доналд Туск, вели дека германската канцеларка Ангела Меркел и грчкиот премиер Алексис Ципрас се препирале околу тоа колку пари од грчкиот приватизациски фонд треба да бидат издвоени за инвестиции.
„Во текот на преговорите, околу 7 часот наутро, кога Ципрас и Меркел побараа пауза, имав чувство дека сме многу блиску договорите да пропаднат“, вели Туск во интервјуто.
„Тогаш разликата меѓу нивните предлози изнесуваше 2,5 милијарди евра. Во тој момент им реков дека доколку преговорите беа завршени без резултат, би бил подготвен да објавам дека Европа дојде на работ од катастрофата за 2,5 милијарди евра“, вели Туск.
Челниците на 19-те земји од еврозоната во понеделникот го постигнаа договорот кој овозможува почеток на преговорите за третата програма надворешна финансиска помош за Грција, која за возврат треба да преземе дополнителни мерки за штедење, зголемување на некои даноци, реформа на пензискиот систем, приватизација…
„Најважно во преговорите беше како да ѝ се помогне на Грција. Меѓутоа, моравме да разговараме и за среднорочните и краткорочните последици од Грекзитот (излегувањето на Грција од еврозоната). Тоа беше неопходно решение за да се избегне хаотичното и непредвидливото влијание во политичката и геополитичката сфера, но тоа се само првите чекори“, истакнува Туск.
Челникот на Европскиот совет вели дека сè е подготвено за започнување на програмата на Европскиот механизам за стабилност (ESM) за Грција за сериозните реформи и финансиската поддршка, којашто според германската канцеларка ќе достигна до 86 милијарди евра. Но договорот мора да го ратификуваат неколку национални парламенти од еврозоната, меѓу кои и германскиот Бундестаг./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.