Европа
Украинскиот парламент ја изгласа владата со тројца странци
Украинскиот парламент во вторникот доцна вечерта ја изгласа новата влада откако кон крајот на октомври беа одржани предвремените парламентарни избори, во којашто има тројца странски државјани а ќе ја води Арсениј Јаценјук, кој на таа функција беше од февруари кога со безредијата во Киев беше соборена владата на поранешниот претседател Виктор Јанукович.
Украинскиот парламент во вторникот доцна вечерта ја изгласа новата влада откако кон крајот на октомври беа одржани предвремените парламентарни избори, во којашто има тројца странски државјани а ќе ја води Арсениј Јаценјук, кој на таа функција беше од февруари кога со безредијата во Киев беше соборена владата на поранешниот претседател Виктор Јанукович.
Владата на Арсениј Јаценјук доби 229 гласови, само три повеќе од потребните 226 од целиот 450-член украински парламент.
Претходно во вторникот пратениците од петчлената ткн прозападна коалиција се договорија на своите позиции да останат министерот за надворешни работи Павло Климкин и министерот за одбрана Степан Молторак.
Врховната Рада (парламентот), исто така, ги потврди и именувањата за министри на неколку странски државјани, претставени пред пратениците како меѓународни експерти. Претходно во вторникот претпладнето украинскиот претседател Петро Порошенко со специјален указ на тројцата им додела украинско државјанство.
Американката со украинско потекло Наталија Јареско е потврдена за министерка за финансии, Латвиецот Ајиварас Абромавичус за министер за економски развој и трговија, а поранешниот грузиски министер за здравство Александр Квиташвили, го доби истиот ресор во Украина.
Притоа Јаерско изјави за медиумите дека претходно поднела барање за откажување од државјанството на САД и за добивање украинско, додека Квиташвили, бидејќи според законите во Грузија не се овозможува двојно државјанство, рече дека според тој закон автоматски со добивањето на украинското му престанува грузиското државјанство./крај/мф/сн
Извор: УНИАН
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.