Таткото на британскиот премиер Борис Џонсон, Стенли (79) ја прекршил мерката што ја воведе неговиот син и отпатувал низ Бугарија до неговата вила во Пелио, Грција.

Тој патувал и покрај препораката на форин офисот британските граѓани да не патуваат во странство доколку не треба, а неговото патување во Грција покажува дека е можно да се стигне до посакуваната дестинација преку трета земја и да се заобиколат правилата за спречување на коронавирусот, пишуваат грчките портали.

Таткото на британскиот премиер и поранешен член на Европскиот парламент, пристигнал во Грција преку Софија затоа што грчките власти забранија директни летови од Велика Британија до средината на јули.

Тој веста дека е во Грција ја објави на својот инстаграм профил.

Додаде декa иако Грција ги забранила пристигнувањата од Велика Британија, сепак Грците се многу среќни што го гледаат.

Русија ги објави новите податоци за бројот на починати и заразени од коронавирус.

Денеска се пријавени 6.760 нови случаи, со што е надмината бројката од 660.000 случаи на инфекција од почетокот на пандемијата. Сега тој број е 661.165.

Во изминатите 24 часа починале 147 лица, односно од почетокот на пандемијата во Русија се регистрирани вкупно 9.683 смртни случаи како последица од Ковид-19, пренесе „Ројтерс“.

Русите денеска ја отворија вратата за претседателот Владимир Путин да остане на власт до 2036 година, откако на организираниот референдум големо мнозинство гласачи го поддржа пакетот реформи што ќе му овозможат да се кандидира за претседател уште два пати, а критичарите предупредуваат дека исходот на референдумот е фалсификуван.

За првпат во Русија гласањето траеше една недела со цел да се зголеми излезноста на граѓаните, но и да се намалат толпите на избирачките места поради пандемијата.

Финските воздухопловни сили престанаа да го користат стариот амблем кој содржеше свастика, јави Би-би-си.

Долго време амблемот на финските воздухопловни сили беше свастика обрабена со крилја. Сепак, свастиката, симбол стар неколку илјади години кој во западната култура обично се поврзува со нацистите, сега е исфрлен од амблемот.

The Finnish air force command has dropped the swastika from its logo without making an announcement. The air force had been using the symbol since 1918.https://t.co/AELQVz3lun

— DW News (@dwnews) July 2, 2020

Финското воено воздухопловство го користело симболот од основањето во 1918 година, многу брзо по независноста на земјата и долго пред подемот на нацизмот.

Овој симбол се користи илјадници години во индиската култура и низ целиот свет, но на Западот стана популарен на почетокот на минатиот век.

Во текот на 20-тите години на минатиот век Адолф Хитлер ја искористи свастиката како симбол на неговата Национал-социјалистичка партија, која дојде на власт во Германија во следната деценија.

Геноцидот на режимот на Хитлер доведе до тоа повеќето луѓе на Западот свастиката да ја поврзуваат со нацизам и антисемитизам.