Германската канцеларка Ангела Меркел ја оцени во понеделникот како „импресивна“ програмата реформи на францускиот премиер Мануел Валс кој вети дека неговата земја ќе ги спроведе до крај.
 

Германската канцеларка Ангела Меркел ја оцени во понеделникот како „импресивна“ програмата реформи на францускиот премиер Мануел Валс кој вети дека неговата земја ќе ги спроведе до крај.

„Сакам да им порачам на Германците дека ќе преземеме реформи“, изјави претседателот на француската влада Мануел Валс во текот на неговата прва официјална посета на Берлин.

Шефот на владата на Франција пред прес-конференцијата имаше средба во понеделникот со германската канцеларка Ангела Меркел на којашто и’ ги претставил нацрт реформите на неговиот кабинет и се заземал првата европска економија да вложи повеќе во обновувањето на економијата на континентот.

Меркел на заедничката прес-конференција со францускиот колега ја пофали „импресивната“ програма на реформи и мерките што се носат „според она што го слушнав, во важните области кој на крајот ќе решаваат за компетитивноста на француските компании“.

Меѓутоа, кога станува збор за вложувањата, Меркел повторно ги згасна надежите, оценувајќи дека постојат „многу можности за создавање раст без дополнителни пари“. „Германија покажа дека може истовремено да бидат консолидирани финансиите и да се создаде раст“.

Претходно во петокот, францускиот претседател Франсоа Оланд зборувајќи во Париз на истата тема, иако одбива да ја укине 35-часовната работна седмица, да ја намали најниската плата и да ја подигне возраста за пензионирање или да излезе од еврозоната, изјави дека од Франција не смее да се бара во пет години да ги спроведе реформите за кои на Германија ѝ биле потребни десет години и освен тоа во далеку поповолни економски услови. Премиерот Мануел Валс таквиот став ќе ѝ го пренесе на германската канцеларка Ангела Меркел кога во понеделник со неа е се сретне во Берлин, најави Оланд.

Две седмици откако Париз го предизвика гневот на европските партнери со изјавата дека јавниот дефицит на припишаното европско ниво од 3 отсто од националниот БДП нема да го намали до 2017 година, а тоа е две години по веќе продолжените рокови, Оланд порача дека нема да има нови кастрења.

„Франција нема да стори повеќе од тоа, бидејќи тоа би било лошо за растот, Франција нема да ги зголеми даноците, бидејќи тоа би му штетело на заздравувањето“, изјави Оланд пред 350 новинари и целата негова влада.

„Не барајте од нас во пет години да го сториме она за што на нашите германски пријатели им беа потребни десет години во далеку поповолна економска атмосфера и без присила на јавниот дефицит“, рече претседателот на Франција. Оланд, сепак, призна дека „резултатите бавно се остваруваа“, но и дека верува дека ќе ги постигне до 2017-та.

Оланд порача дека со Берлин ќе работи на посилна интеграција, во прв ред во одржливата енергија, а за шкотскиот референдум за независност рече дека претставува закана за изградбата на Европа откако таа се градеше половина век./крај/мф/сн

Извор: AFP