Европа
Дезмонд Туту ги повикува Норвежаните да му простат на Брејвик
Пензионираниот јужноафрикански англикански бискуп и позната активист за човекови права Дезмонд Туту, ги повика во понеделникот Норвежаните да му простат на десничарскиот екстремист Андерс Беринг Брејвик осудениот извршител на крвавите напади во главниот град Осло и околината.
На новинарско прашање за можноста за прошка на Андер Беринг Бејвик кој отслужува 21-годишна затворска казна за убиствата на 77 луѓе на 22-ри јули 2011 година, бискупот Дезмонд Туту одговори „Тоа е наше размислување, а верувам дека би било и на Бога“.„Господ никого не мрази и сите ние сме негови деца. Меѓу нас има и зли деца, но и натаму се членови на исто семејство“, изјави Туту на прес-конференцијата одржана во Градскиот совет на норвешката престолнина Осло, триесет години откако токму во неа му беше доделена Нобеловата награда за мир.Туту притоа истакна дека проштевањето не значи дека злосторства на Брејквик не треба да се сметаат за едни на најстрашните работи кои човек може да ги замисли, но и дека омразата и огорченоста, како што смета бискупот, дејствуваат како корозија.Претседателот на групата за поддршка на семејствата на жртвите на масакрот на Брејвик од 2011-та, Хенри Блатман кој во тоа крвопролевање го загубил синот, одговори дека е невозможно да му се прости на злосторник кој не чувствува ни најмалку грижа на совеста поради она што го сторил.Брејвик на почетокот од септември ја разбранува норвешката јавности кога изјави дека е подготвен да се извини доколку властите му дозволат да формира фашистичка партија. Во писмо од 33 страници, десничарскиот фанатик кој издржува затворска казна од 21 година, наведува дека сака да формира политичка формација под името Фашистичка партија на Норвешка и Северната Лига.„Како поранешен милитант, моето срце крвави поради варварството што го направив на 22-јули 2011 година“, наведува сега 35-годишниот Брејвик.Тој призна дека уби осум луѓе во бомбашки напад на зградата на Владата во Осло и 69 во оружен напад на летниот камп на подмладокот на Лабуристичката партија на островот Утоија. Како мотив за атентатите го наведе несогласувањето и обвинувањата на ливичарските политичари за попустливост кон доселениците, особено од муслиманските земји што придонесува за измена на демографската слика на Норвешка.Во 2012 година му беше изречена затворска казна од 21 година која може да се продолжува сè додека Брејвик се смета дека е опасен за општеството. Правните експерти сметаат дека тоа веројатно значи дека ќе остане во затвор до крајот на животот.Брејвик во писмото, исто така, наведува дека најважна работа во животот му е да спречи убиства и кривично дело какво што стори тој и дека тоа е целта на основањето на партијата. Вели и дека е подготвен да се извини доколку се исполнат неговите услови и дека дава рок од 30 денови, кој „истекува“ на 6-ти октомври, за да му се овозможи формирање на партијата, додека во спротивно ќе покрене судска процедура.Според него, затворската служба му го забранила правото на формирање на политичка партија кога му ги одзела сите писма кои ги напишал за покренување на партијата. Во Норвешка, инаку, сите затвореници имаат исти права како останатите граѓани./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.