Европа
Во безредијата во Марсеј најмалку 36 повредени, еден критично
Во одделните судири меѓу англиските со руските и француските фудбалски хулигани во изминатите три дена пред, за време и по натпреварот во рамките на Европското првенство меѓу Англија и Русија кој заврши без победник одигран во францускиот пристанишен град Марсеј, најмалку 35 луѓе се повредени, а еден англиски навивач е во животна опасност.
Иако по инцидентите кои во Марсеј започнаа да се случуваат уште во четвртокот, локалните власти ангажираа најмалку 1.200 полицајци за одржување на јавниот ред и мир, хаосот на улиците на францускиот пристанишен град не беше запрен.. Полицијата приведе шест лица, а за да го запрат насилството на улиците беше принудена да користи чадни бомби со солзавец. Во тие акции повредени се полесно и тројца полицајци.
Педесетгодишен англиски навивач, кој настрадал во стампедо во Марсеј, се наоѓа во крајно тешка состојба, соопшти во неделата полицискиот префект на департманот Буш-ду-Рон, Лоран Нуњез.
„Лекарите сметаат дека неговиот живот е сериозно загрозен“, изјави Нуњез за локалните медиуми.
Инцидентот во кој бил повреден навивачот се одиграл три часа пред почетокот на мечот меѓу селекциите на Русија и Англија. За време на пресметката меѓу навивачите, Англичанецот „добил неколку удари со железна цевка по телото, особено по главата“, соопшти полицијата на Марсеј. Растурајќи ја толпата, полицајците на повредениот му укажале прва помош, вклучително и срцева масажа, со што успеале да му ја повратат свеста, и подоцна бил пренесен во локална болница.
Само ноќта кон неделата настрадани се 35 навивачи, од кои четворица се во потешка состојба и се хоспитализирани во болниците во Марсеј. Медицинска помош на марсејските улици им била укажана на повеќе од триесетина лица, по повреди здобие ни од шишиња или столчиња од терасите на кафулињата.
Меѓутоа, безредија немаше само во Марсеј. Во Ница во саботата ноќта се судриле навивачите на Северна Ирска и локалните хулигани. Според полициските извештаи, седум лица се повредени, едно од нив е со сериозни повреди на главата.
Сцените од уличните судири од двата француски града се проширија низ социјалните мрежи, а ги емитуваше и францускиот јавен телевизиски сервис. Тие пластично ја покажуваат бруталноста на таканаречените навивачи кои во пресметките користат сé што ќе им дојде при рама/
Европската фудбалска федерација УЕФА и Англискиот фудбалски сојуз ФА ги осудија инцидентите, а челниците на европската покривна фудбалска организација најавија итен состанок на тема справување со навивачкото насилство. „За луѓето кои прибегнуваат насилство нема место во фудбалот“, се истакнува во соопштението на УЕФА. Од англискиот сојуз ги повикаа навивачите на „пристојно однесување“ и изразија разочарување од „сцените видени во Марсеј“.
Организаторите на Европското фудбалско првенство изразија стравување дека сцените од Марсеј може да се повторат и во другите француски градови, а првиот дуел од оние кои се означени како најризични е неделниот меѓу Турција и Хрватска на парискиот „Парк на принцовите“. На скалата од ризичност меѓу 1 и 4, овој меч е означен со оцена 3, како и натпреварите меѓу Германија и Полска на 16-ти јуни на „Стад де Франс“, Англија и Велс истиот ден во Ленс, и меѓу Украина и Полска на 21-ви јуни во Марсеј.
На сите тие натпревари ќе бидат заострени мерки за претпазливост. По она што се случи во Марсеј, повеќе не смее да има пропусти во обезбедувањето, а одговорот на секаков вид насилство мора да биде брз и ефикасен“, изјави шефот на Националниот одел за борба против хулиганството, Антоан Бутоине за AFP.
Францускиот министер а внатрешни работи Бернар Казнев издаде соопштение во коешто истакнува дека француската полиција под контрола ја има безбедносната ситуација, како и дека предвид се земени „сите закани, вклучително и оние од можни терористички напади“.
Руските медиуми, кои нагласуваат дека во руските навивачи ги следат и руски полициски службеници, наведуваат дека УЕФА нема да пропушти да ги казни фудбалските сојузи на Англија и на Русија, а француските медиуми безредијата во Марсеј ги нарекоа срамотни. Според францускиот спортски дневен весник L’Equipe „ставот веќе победи на Евро“, а во спортскиот прилог на неделното издание на лондонски The Daily Mail доминира насловот „Враќање во црните години“, алудирајќи на ерата кога британски фудбалски фанови дивееја низ Европа, па за справување со нив беа носени драконски мерки./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Јулија Тимошенко: Моите банкарски сметки се блокирани
Лидерката на партијата Татковина и поранешна украинска премиерка Јулија Тимошенко, која од страна на истражителите е осомничена дека нудела мито на неколку пратеници, објави дека нејзините банкарски сметки се замрзнати.
Тимошенко го објави ова на Фејсбук, а нејзината реакција доаѓа откако беше објавено дека обвинителите ќе бараат кауција од околу еден милион евра и изрекување мерки на претпазливост. Според неа, дури тогаш дознала дека нејзините сметки се замрзнати.
„Што е надреализам? Ова е кога во отворено политички нарачан случај планирате да платите кауција со парите што сте ги добиле како компензација за политичкиот прогон на одреден кратковид „диктатор“. Но, не можете да го направите ова бидејќи вашите банкарски сметки беа блокирани дури и пред судската одлука.
Вака изгледа „антикорупциската правда“ на меѓународните измамници. Вие наивни луѓе веројатно мислите дека со такви примитивни потези ќе ме принудите да бегам или дека ќе престанам да се борам. Страшно грешите“, напиша Тимошенко на Фејсбук.
Украинските антикорупциски власти во вторник вечерта објавија дека откриле корупција поврзана со лидер на партија. Подоцна беше потврдено дека случајот се однесува на Јулија Тимошенко. Таа е осомничена за нудење нелегални бенефиции на пратеници од други партии во замена за гласање за или против одредени законски предлози.
Извори од политички кругови потврдија во среда наутро дека истражителите ѝ доставиле на Тимошенко известување за сомневање. Потоа, Националното биро за борба против корупцијата на Украина (НАБО) објави аудио снимка во која, според истражителите, Тимошенко и неидентификуван пратеник разговараат за шема за плаќање за гласови во украинскиот парламент.
Тимошенко рече дека тоа била „голема ПР-шоу“ и „чистење на политичките конкуренти пред изборите“. Таа тврди дека истражителите „не пронашле ништо“, туку само ги заплениле нејзините „мобилни телефони, парламентарни документи и лични заштеди, кои се целосно наведени во нејзината имотна картичка“. Таа, исто така, изјави дека објавената аудио снимка „нема никаква врска“ со неа.
Европа
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи ја можноста да повика на зајакнување на воената моќ на Франција.
Францускиот претседател го спореди својот проблем со очите со песната „Eye of the Tiger“, велејќи дека тоа е знак на решителност и предупредување дека Франција може да остане слободна во „брутален свет“ само ако другите се плашат од неа и ако е моќна.
epa12650914 French President Emmanuel Macron delivers a speech during a visit to the Istres Air Force Base in Istres, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Повикувањето на насловната песна од филнот „Роки III“ од 1980-тите години дојде откако Макрон ја прогласи француската армија за „најефикасна“ во Европа, додавајќи дека таа мора да стане посилна и побрза. Пред говорот, кој започна со објаснување за неговиот изглед, Макрон носеше очила за сонце додека ги прегледуваше војниците.
„Ве молам извинете за грдиот изглед на моето око. Тоа е, се разбира, нешто сосема безопасно“, рече Макрон. „Сфатете го како ненамерна референца на „Eye of the Tiger“… за оние кои ја разбираат референцата, тоа е знак на решителност.“
epa12651821 French President Emmanuel Macron delivers a speech as he visits the Istres military air force base, southern France, 15 January 2026. The French president travelled to the Istres airbase to present his New Year’s wishes to the armed forces. EPA/PHILIPPE MAGONI / POOL
Тој го искористи своето новогодишно обраќање до војниците во воената база во јужна Франција за да најави поголеми трошоци за одбрана. Тој рече дека сака да ги помести плановите за буџет за одбрана од 64 милијарди евра од 2030 на 2027 година, со 3,5 милијарди евра за забрзување на вооружувањето на Франција достапно оваа година.
Европа
Герасимов: Во јануари окупиравме 300 квадратни километри во Украина
Руските сили зазедоа повеќе од 300 квадратни километри украинска територија во првата половина на јануари, изјави началникот на рускиот Генералштаб, Валериј Герасимов. Русија соопшти дека минатата година зазела 6.640 квадратни километри во Украина.
Украинскиот парламент во среда го назначи младиот технократ Михаил Федоров за министер за одбрана, додека владата се стреми да ги поттикне иновациите за да ја зајакне војската за време на тешката фаза од речиси четиригодишната војна.
Претседателот Володимир Зеленски изјави дека му наредил на 34-годишниот Федоров да спроведе брзи одлуки за заштита на украинското небо, зајакнување на линиите за снабдување на фронтот и воведување други технолошки решенија за запирање на руското напредување.
Исцрпената украинска армија е побројна и пооружена на фронтовските линии откако започна руската инвазија во февруари 2022 година. Руските сили бавно напредуваат во источниот регион Донецк и се обидуваат да ги пробијат одбранбените линии на југ и североисток.
Бидејќи дипломатските напори за завршување на војната не даваат опипливи резултати, Киев се соочува со потребата да ги зајакне своите вооружени сили, кои бројат околу милион припадници.
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Поранешниот шеф на НАТО: Освојувањето на Гренланд би значело крај на светскиот поредок
Насилното преземање на Гренланд од страна на САД би значело „крај на светскиот поредок каков што го познаваме“, изјави поранешниот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
Намалена видливост поради магла кај Плетвар, Крушево, Стража
Сообраќајот на државните патишта се одвива непречено по претежно влажни коловози. Врнежи од снег на планинските премини Ѓавато и Буково...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
Mицкоски очекува добри вести во наредните денови од САД
Премиерот Христијан Мицкоски изјави дека очекува наскоро добри вести за македонските граѓани од САД. Тој појасни дека суспендирањето на визите...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
