Европа
Во железничката несреќа во Италија, најмалку 25 мртви
– (Foto: Luca Turi, ANSA)
Најмалку 25 лица загинаа, меѓу кои е и еден од двајцата машиновозачи, а повеќе десетици се повредени во директниот судир меѓу во вторникот во регионот Апулија, во една од најтешките железнички несреќи во Италија, соопштија властите во вторникот вечерта, пренесува агенцијата Ansa.
Најмалку 25 лица загинаа, меѓу кои е и еден од двајцата машиновозачи, а повеќе десетици се повредени во директниот судир меѓу во вторникот во регионот Апулија, во една од најтешките железнички несреќи во Италија, соопштија властите во вторникот вечерта, пренесува агенцијата Ansa.
Претходно за телевизијата SkyTG24, началникот на полицијата на железницата на овој регион на југоистокот од Италија, Џанкарло Контикио изјави дека во останките од уништените вагони се пронајдени 22 тела, и оти се повредени околу 50 луѓе, од кои три или четири лица се во критична состојба.
Двата патнички воза директно се судриле меѓу местата Корато и Андрија во близина на градот Бари, административен центар на Апулија на делот од еднонасочниот колосек.
Италијанскиот министер за транспорт Грацијано Делрио, кој пристигна на местото на несреќата, одби да даде податоци за несреќата и само рече дека станува збор за силен судир на два воза. Најави покренување на истрага за трагедијата. Локалниот обвинител изјави дека е рано да се шпекулира за причините, но дека најверојатно станува збор за човечка грешка.
Во операцијата на спасување се вклучени десетици амбулантни возила, неколку противпожарни бригади, како и хеликоптери на службата за цивилна заштита. Евакуирањето на жртвите е комплицирано, имајќи предвид дека несреќата се случила во оддалечена рурална област. Спасителите поставија полска болница во близина на несреќата, за да им се помогне на големиот број повредени.
Премиерот Матео Ренци ја прекина својата посета на Милано, се врати во Рим и се упатил кон местото на судирот и неговото пристигнување се очекуваше во раните вечерни часови.
Спасувачките екипи се обидуваат да ги извлечат патниците од смачканите и превртени вагони. Властите објавија повик за донирање крв нарекувајќи ја ситуацијата „драматична“. Меѓу спасените е и едно дете кое со хеликоптер е пренесено во болница
Некои од вагоните се многу оштетени, изјави за телевизијата RAI, началникот на локалната полиција Рокардо Цингаро, и рече оти стравува дека бројот на мртвите може да расте.
Засега не е јасно што можело да доведе до судирот, кој се случил по убаво време околу 11,30 часот по локално време.
Италијанските медиуми наведуваат дека еден од возовите доаѓал од правец на Андрија, а другиот од правецот на Корато, како и дека двата воза се движеле со голема брзина. Двете композиции имале по четири вагони, а снимките од местото на инцидентот ги покажуваат расфрланите остатоци на големо подрачје. Некои од вагоните се толку оштетени што од нив останале само парчиња метал.
На овој железнички правец со кој оперира компанијата „Ferrotramviaria“, се превезуваат по илјадници луѓе дневно со околу 200 возови. Во тек се работи за поставување на двонасочна пруга.
Најголемата железничка несреќа во Италија последните години се одигра во 2009 година на станицата во Вијареџо, кога експлодира товарен вагон со течен гас, при што загинаа 32 луѓе. Во 2010 година, девет лица загинаа, а 28 беа повредени кога воз излета од шините во северна Италија, во Болцано. Причина за оваа несреќа беше лизгање на земјиштето кое ја оштетило пругата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.