Контакт

Европа

Започнува италијанското претседателство со ЕУ

Објавено пред

Италија, која на 1 јули го преземе претседателството со ЕУ од Грција, има доста амбициозни цели за следните шест месеци, а според италијанските власти, приоритет ќе биде да се промени насоката на европските политики, и Европа повторно да се направи „сон“ за сите, наспроти постојан избор на проблеми и разочарување за граѓаните на ЕУ.

„Овој семестар е посебен бидејќи ќе иницира нов политички циклус. Ова се првите шест месеци од новата европска легислатива, која беше избрана кон крајот на мај“, изјавил за ИТАР-ТАСС, државниот секретар на министерството европски интеграции, Сандро Гоки.

 

Како што беше повеќепати потенцирано од италијанскиот премиер Матео Ренци, внатрешните проблеми на Италија и Европа се заеднички.

 

„Италија е подготвена да се промени, но оваа промена не е можна без обновата на Европа“, изјавил италијанскиот премиер, кој во првата недела од италијанското претседателство закажа повеќе средби со европсктие лидери.

 

„Не планираме да играме важна улога, но сакаме да ја насочиме цела Европа кон новите политички приоритети, преку воведувањето на поефикасни методи на менаџмент и правење на одлуки. Според нас, за да се надогради Европа, како што зборуваат сите земји, потребно е да се направат промени. Сакаме да поставиме нови граници за европското лидерство, да поставиме цели за наредните пет години и да ја натераме Европа да одлучи“, изјавил државниот секретар Гоки.

 

За време на претседавањето, италијанското претседателство ќе помине и низ „транзициски период“, односно периодот кога сите клучни функционери на Европскиот парламент ќе бидат заменети. Кандидатурата на Жан-Клод Јункер за претседател на Европсакта комисија беше одобрена, па сега сите останати места треба да бидат распределени. Шефицата на италијанската дипломатија, Федерика Могерини е меѓу фаворитите за да ја наследи Кетрин Ештон на позицијата висок претставник за надворешна политика и безбедност.

 

Според државниот секретар Сандро Гоки, италијанското претседателство не е заинтересирано за позициите во Комисијата, а владејачката Демократска партија го потврдила својот кредибилитет и својата стабилност за време на неодамнешните еврпските избори, кога партијата доби повеќе од 40 проценти од гласовите во земјата.

 

Според Гоки, Демократската партија ја претставила својата политика околу европските интеграции и предложила решенија кои го спречиле растот на евроскептицизмот.

 

„За да можеме да одговориме на тие нови трендови, треба да бидат направени реформи и на национално, и на европско ниво. Во практика треба да покажеме дека само низ заедничка европска политика ќе најдеме одговори на проблемите кои ги мачеа Европејците во последните години“, рекол Гоки.

 

 

Економскиот раст на сметка на заедничкиот европски пазар е првото нешто на агендата на италијанското претседателство. Меѓу приоритетите исто така е борбата против невработеноста, создавањето на нова индустриска политика која ќе има за цел да ја зголеми конкурентноста на малите и средни бизниси, а ќе мора да се реши и проблемот со нелегалната имиграција. Рим е решен да постави заедничка европска имиграциска политика, со која би се зачувале европские граници и би се развил унифициран механизам за бегалците.

 

Италија секогаш била постојан поддржувач на проширувањето на ЕУ и ќе промовира интеграција на Србија и Албанија, потврдил Гоки. Што се однесува до Украина, Рим го дели мислењето дека „интеграцијата на земјата во Европа и изнаоѓањето на хармонија на односите меѓу Русија и ЕУ се паралелни процеси и не треба да има конфликт, и наместо тоа тие треба да бидат комплементарни еден на друг“.

 

Италијанското претседателство исто така планира да го одблокира процесот на имплементација на гасоводот „Јужен тек“, бидејќи Италија има огромен интерес во овој проект. Рим смета дека ова е еден од најголемите стратегиски проекти во Европа, кој ги задоволува целите на диверсификација на снабдувањето со гас на Европа и поголема енергетска сигурност на ЕУ.

 

Во однос на претходното претседателство, она на Грција, италијанските власти потврдиле дека се задоволни од нивната работа.

 

„Грција го започна она што ние планираме да го продолжиме, проширувањето на ЕУ, индустриската политика, имиграциската политика. Во однос на подобрувањето на менаџментот на ЕУ, можеме да се потпреме на работата која што беше завршена од Грција“, рекол Гоки./крај/мф/бс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Повторно повеќе од 1.000 активни случаи на коронавирус во Австрија

Објавено пред

Во Австрија бројот на луѓе што се активно заразени со коронавирус, а врз основа на растот на новозаразените во последните денови, повторно надмина илјада.

Според податоците на Министерството за здравство, во моментот има 1.012 активни случаи на коронавирус во Австрија.

Во изминатите 24 часа регистрирани се 85 нови случаи на инфекција со коронавирус, што по три дена со трицифрен број на новозаразени, е првиот ден кога тој број е двоцифрен.

Како и во претходните денови, најголем број новозаразени, дури 57, се регистрирани во Горна Австрија, 21 во Виена, пет во Долна Австрија, по еден случаи во Салцбург и Штаерска.

Од почетокот на епидемијата на коронавирусот во Австрија вкупно 18.270 лица се позитивни, а 16.647 се излечени.

Во моментот хоспитализирани се 78 пациенти, од кои 11 се на одделот за интензивна нега.

Од почетокот на епидемијата спроведени се вкупно 654.105 теста на коронавирус.

Бројот на починати остана на 706.

Прикажи повеќе...

Европа

На Република Сан Марино ѝ се заканува опасност од банкрот и губење на независноста

Објавено пред

Република Сан Марино е во опасност да банкротира поради економската криза што се случи по пандемијата на Ковид-19.

Поради долгот, таа би можела да ја загуби својата 1.300-годишна независност, пишува весникот „Ил фато Квотиџијано“.

На почетокот на пандемијата Република Сан Марино се двоумеше да воведе карантин поради економски причини, но кога беа заразени 1.200 граѓани од вкупно 33.000 и процентуално скокна на првото место во однос на бројот на заразени во светот, надлежните беа принудени да воведат рестриктивни мерки.

Дури и пред пандемијата, банкарскиот систем на Републиката се распаѓаше, долговите на земјата пораснаа на 360 милиони евра, а сега, за да се избегне финансискиот колапс, надлежните во Сан Марино бараат помош од својот прв сосед Италија и од „Банкиталија“.

Република Сан Марино долго време беше даночен рај, идеално место за криење пари и траги на фирми чие богатство сопствениците не можеа да го докажат.

Од 11 банки, 6 банкротираа, загубите мораше да ги надомести државата, а една банка се национализира.

Во последните пет години богатството на Републиката е двојно намалено, домашниот бруто-производ пред пандемијата бил помал 28 отсто, а поради Ковид-19 и карантинот, се намалил уште 12 проценти.

За да ја ублажи економската криза, Република Сан Марино испечатила државни обврзници „титано“ во вредност од 500 милиони евра. Еден „титано“ вреди едно евро, но тоа не е доволно бидејќи недостигаат пари за исплата на пензии и за живот, пишува весникот.

Дури се размислува и за воведување ДДВ, што би претставувало преседан во историјата на најмалата држава на светот.

„Ил фато Квотиџијано“ пишува дека доколку не ѝ се помогне на Сан Марино, таа би можел да падне во рацете на кинескиот или рускиот капитал, а потоа тие земји би можеле да ја искористат за да купат гласови во меѓународни институции како ООН, ОБСЕ и слично.

Околу 10.000 Италијанци, кои имаат двојно државјанство, живеат во Сан Марино, така што ова е еден од мотивите што некои италијански политичари апелираат да помогнат затоа што ако Сан Марино не успее, тоа ќе биде трагедија и за Италијанците“, тврди членот на Демократската партија, Марко ди Мајо.

Прикажи повеќе...

Европа

Шпанија воведе карантин за уште 70.000 лица

Објавено пред

Официјални лица во северозападниот шпански регион Галиција повторно воведоа ограничувања за речиси 70.000 луѓе по избувнувањето на заразата.

Излегувањето и влегувањето во крајбрежната област А Марина е дозволено само за оние што одат на работа од недела на полноќ до петок, јавува Би-би-си.

Овој потег се случи само еден ден откако регионот Сегрија во Каталонија воведе слична блокада.

Во целата земја епидемијата на коронавирусот е ставена под контрола.

Шпанија забележа повеќе од четвртина милион случаи и најмалку 28.385 смртни случаи.

Во последните три недели земјата бележи едноцифрени бројки на смртни случаи.

Шпанија ги отвори своите граници кон другите земји од ЕУ, како и со Велика Британија.

Регионалните службеници за здравство соопштија дека патувањето до и од округот А Марина ќе биде строго ограничено на пет дена – иако луѓето останаа слободни да се движат во областа.

Собирите се ограничени на 10 лица, а носењето заштитни маски е задолжително надвор.

Официјални лица ги поврзаа епидемиите со баровите во регионот. Капацитетите во баровите и рестораните сега се ограничени на 50 проценти.

Во Галиција во моментот има 258 случаи на коронавирус, вклучувајќи 117 во провинцијата Луго, каде што се наоѓа Марина, соопштија официјалните лица.

Прикажи повеќе...

Најново

Македонија23 минути

(Видео) Со цитати од Конески и Мартиновски, Ципрас упати поддршка до Заев

Претседателот на грчката партија Сириза и поранешен премиер на Грција, Алексис Ципрас упати видео порака со поддршка на претседателот Зоран...

Македонија43 минути

Јово Вангеловски обвинет за злоупотреба на службената положба

Основното јавно обвинителство Скопје до Основниот кривичен суд Скопје поднесе обвинителен предлог против поранешниот претседател на Врховниот суд, Јово Вангеловски...

Македонија48 минути

Заболените од коронавирус и оние во самоизолација до утре можат да се пријават за да гласаат

Утре истекува рокот за пријавување на лицата кои се позитивни на Ковид-19 или се во домашна изолација, а кои сакаат да гласаат...

Свет2 часа

Шведска, сепак, воведува мерки против коронавирусот

Во Шведска денеска стапуваат во сила строги правила за почитување на мерките за физичка дистанца во угостителските објекти. Минималното растојание...

Македонија3 часа

Филипче: На денот на изборите ќе биде безбедно да се гласа

Министерот за здравство, доц. д-р Венко Филипче, истакна дека во изминатите четири месеци тој и колегите од Комисијата за заразни...

Свет4 часа

Секој десетти заболен од Ковид-19 во Англија е медицински или социјален работник

Десет проценти од сите инфекции на Ковид-19 во Англија забележани меѓу 26 април и 7 јуни биле меѓу здравствени или...

Регион5 часа

Црна Гора воведе карантин за сите што доаѓаат од Србија

Националното координативно тело за заразни болести во Црна Гора најави неколку епидемиолошки мерки за целата земја и особено за северот...

Македонија6 часа

Управниот суд ја отфрли тужбата на Наќе Чулев против Владата

Владата соопшти дека како тужена страна го доби решението од Управниот суд, со кое тужбата на тужителот Министерство за внатрешни...

Свет6 часа

Мелбурн ставен во карантин поради коронавирусот

Вториот по големина австралиски град, Мелбурн, ќе биде ставен под карантин поради коронавирусот, пренесе агенцијата АФП. Засега нема повеќе информации...

Свет6 часа

Коронавирусот може да се пренесе преку воздухот, тврдат 239 научници во отворено писмо до СЗО

Ако е точно дека коронавирусот се пренесува преку воздухот, тоа значително ќе влијае на мерките за нејзина контрола, пишува „Њујорк...

Македонија17 часа

„Правда за Кољо“ – нов протестен марш во Аеродром

Стотина млади лица вечерва одржуваа протестен марш од скопската населба Аеродром до кривичниот суд, носејќи транспарент „Правда за Кољо“. Граѓаните,...

Македонија17 часа

Шилегов: И вториот тест е негативен, невидливиот противник е победен

„Вечерва ги добив резултатите од вториот тест на Ковид-19. Како и вчерашниот, и денешниот е негативен.И официјално, невидливиот противник е...

Свет18 часа

Руските власти ископале ров околу село за да го заштитат од Ковид-19

Руските власти ископале ров околу оддалечено сибирско село за да го стават во карантин, откако десетици жители се заразиле со...

Регион20 часа

Во Србија шест лица починаа од коронавирус, регистрирани 289 новозаразени

Во последните 24 часа во Србија од ефектите на коронавирусот починаа уште шест лица, додека  регистриранисе  289 новозаразени лица, соопшти...

Македонија22 часа

ДИК со герила-акција во Охрид и Струга: Ти си на ред! Гласај безбедно!

Државната изборна комисија ја води кампањата „Ти си на ред“ за претстојните предвремени парламентарни избори 2020. Со герила-акција, за првпат...

Македонија1 ден

Во просек 13 отсто од тестираните на коронавирус во земјата се позитивни

Во просек 13 отсто од тестираните на Ковид-19 се позитивни, а неделно се прават 8.000 теста, истакна министерот за здравство,...

Македонија1 ден

(Интервју) Бачев: Ќе коалираме со онаа партија што ќе се залага за враќање на уставното име

Поништување на преспанскиот договор, поништување на договорот со Бугарија, враќање на уставното име на државата – се црвените линии под...

Македонија1 ден

Обвинителот Бубевски заболен од коронавирус, Фатиме Фетаи е во самоизолација

Обвинителот Гаврил Бубевски, кој беше дел од СЈО, а сега е дел од скопското Обвинителство и ги застапува предметите „Насилство...

Регион1 ден

Чедомир Јовановиќ објави фотографија од болница: Уморен сум, сè уште ми е неопходен кислород

Лидерот на српската Либерално-демократска партија ЛДП, Чедомир Јовановиќ, се огласи на „Твитер“ од Клиниката за инфективни болести во Белград, каде...

Македонија1 ден

Петмина починати и 78 новозаболени од Ковид-19 во земјата

Министерството за здравство информира дека во последните 24 часа направени се 894 тестирања, а регистрирани се 78 нови случаи на...

Досие