Европа
Здравствениот картон на копилотот кај истрагата, бил под опсервација за суицид
Германската болница во којашто се лекувал копилотот на „Germanwings“, Андреас Лубитц, ја предала медицинската документација на обвинителството во Диселдорф, објави во понеделникот портпаролката на клиниката, истрагата сé уште ги разјаснува мотивите, но било утврдено дека пилотот се наоѓал под опсервација за самоубиствени намери.
Авионот „Airbus A320“ на германската нискотарифна компанија „Germanwings“, на летот од Барселона за Диселдорф, на 24-ти март се урна во француските Алпи. Во трагедијата загинаа 150 патници и членови на екипажот, а записот од единствената досега пронајдена „црна кутија“ укажува на тоа дека 28-годишниот копилот Андреас Лубитц останувајќи сам во пилотската кабина се заклучил и намерно го урнал авионот.
„Истрагата нема доволно рационални објаснување за таквата постапка, како и пронајдено признание. Во непосредната лична и семејна средина, како и на работното место, има нејасни околности кои би можеле да послужат како убедлив доказ за можниот мотив“, се вели во соопштението објавено во понеделникот на интернет страницата на обвинителството во Диселдорф.
Претходно беше објавено дека е утврдено оти Лубитц се наоѓал под опсервација на психотерапевти поради склоност кон самоубиство. Обвинителството во Диселдорф соопшти дека шестиот ден од истрагата биле испрашувани многубројни сведоци од личната и професионалната средина на копилотот.
Универзитетската болница во Диселдорф не сакала за медиумите да објави од кои болести се лекувал Лубитц, освен дека не било во прашање депресија. Тој од февруари трипати бил во болницата, последен пат на 10-ти март, две седмици пред трагедијата, пренесува агенцијата DPA.
„Поради тоа веќе се испрашани голем број сведоци од личното и професионалното опкружување… Врз основа на документите и сознанија подигнати при претресот може да бидат направени првичните наоди“, се наведува уште во соопштението на обвинителството.
Портпаролот на обвинителството на Диселдорф, Кристоф Кумпа, за медиумите потврди дека копилотот извесно време бил под опсервација на психотерапевти поради склоност кон суицид, но дека во последниот период такви белешки немало во неговиот здравствен картон.
„Врз основа на анализираните податоци и документи, можеме да ја објавиме прелиминарната оцена на ситуацијата… Соодветната медицинска документација говори дека органски оштетувања (на нервниот систем кај Лубитц) немало. Копилотот повеќе години пред издавањето на летачката лиценца подолг период се наоѓал под психотерапевтско набљудување со забелешка за ‘склоност кон самоубиство’. Во последно време посетувал други лекари кои му препишувале боледување, без да одредат склоност кон суицид или агресивност“, изјави Кумпа.
Подоцна во понеделникот телевизиската мрежа NBC, повикувајќи се на полицискиот портпарол, објави дека полицијата во Диселдорф ја повикала на сослушување девојката на Лубитц.
Поранешната девојка на Лубитц, идентификувана како 26-годишната стјуардеса Марија В. во интервјуто објавено во саботата во списанието Bild, рече дека ѝ рекол оти сака да влезе во историјата, „да го промени системот“ што ќе му осигури еден ден „сите да дознаат за него“. Според неа, кога слушнала за падот на авионот, „се присетила“ на една реченица на Андреас Лубитц. „Еден ден ќе сторам нешто што ќе го промени целиот систем и сите ќе знаат за мене и ќе ме паметат“. Таа е убедена дека тој планирал да направи некој „спектакуларен гест“, кој ќе остана запаметен. „Тогаш тоа ништо не ми значеше, меѓутоа сега значи“, вели Марија. Додаде дека Лубитц бил мистериозна личност која ги криела своите тајни, а честопати се будел среде ноќ врескајќи „Паѓаме!“. „Кога слушнав за падот, во главата повторно и повторно му се вртеше ‘записот’ на тоа што го зборуваше“, вели девојката.
Во саботата британскиот магазин Mirror, објави дека девојката на вториот пилот на урнатиот лет 4U9525 очекувала дете од Лубитц. Во текстот таа беше именувана со Катрин Голбах.
Според истрагата, неговите блиски изјавиле дека последните месеци Лубитц страдал од депресија и синдром на емоционално растројство. Во неделата списанието Bild am Sonntag, повикувајќи се на свои извори пишуваше дека пилотот можеби имал проблеми со видот, односно страдал и од ретинална аблација, и неговите визуелни способности во времето на несреќата можеби биле намалени за 30 отсто, но исто така ја доведувале во прашање и неговата натамошна пилотска кариера.
Претходно беше објавено дека полицијата во Диселдорф формирала специјална група којашто вклучува повеќе од сто лица, иследници и експерти, во истрагата за трагедијата во југоисточна Франција. Групата наречена „Алпи“ не се занимава со мотивите на Лубитц, туку со идентификација на повеќето од 70 германски државјани загинати во несреќата.
Во понеделникот обвинителот на францускиот град Марсеј, каде што се води истрагата за падот на авионот, Бри Робен,ги демантираше наводите дека со помош на ДНК анализа се пронајдени и идентификувани останките на Андреас Лубитц./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.