Свет
Индонезија побара итна помош по земјотресот со 102 жртви

Индонезиски функционери упатија во четвртокот итен повик за помош за згрижување на стотиците повредени по силниот земјотрес во кој загинаа повеќе од 100 лица во покраината Ачех, каде што населението се соочува и натаму со нови помали земјотреси.
Потресот со магнитуда од 6,5 степени по Рихтеровата скала во средата утрото околу 5 часот по локално време, уништил стотици куќи, џамии и деловни објекти во покраината Ачех, на северот од индонезискиот остров Суматра, помалку од три седмици од одбележувањето на 12 години од катастрофалниот земјотрес со магнитуда од 9,3 и гигантското цунами кое на 26-ти декември 2004 година кога во оваа покраина загинаа повеќе од 120.000 луѓе од вкупно 230.000 жртви во 12-те земји на Индискиот Океан.
Според последните податоци на властите покажуваат 102 жртви и повеќе од 700 повредени, од кои повеќе од 400 се со тешки повреди, истакна портпаролот на индонезиската Национална агенција за управување со последиците од природните катастрофи, Сутопо Пурво Нугрохо.
Претседателот Џоко Видодо побара од сите Индонежани да се молат за сонародниците во покраината зафатена со потрес.
Вниманието сега е насочено кон повредените и без покрив над главата. Војската подигна засолништа, кујни и полска болница во градот Меуреуда, кој силно настрадал, изјавил воен функционер Татанг Сулаиман во Ачех.
Но, недостига медицинска опрема и други основни продукти во оваа лошо снабдена област чии болници се пренатрупани, соопштија властите.
Помошта почна да пристигнува со подигнување шатори за оние кои останале без домови, но уште има голема потреба за згрижување на околу 4.000 евакуиран лица, соопшти локалниот функционер на агенцијата за управување со катастрофи Путех Манаф./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Токио објави видео од вештачка интелигенција од ерупцијата на вулканот Фуџи за да ги подготви жителите

Вулканот Фуџи не еруптирал од 1707 година. Сепак, за да го одбележат Денот на подготвеност за вулкански катастрофи, властите во Токио објавија вештачки генерирани видеа кои симулираат потенцијална вулканска ерупција.
Видеата, објавени оваа недела, имаат за цел да ги подготват 37-те милиони жители на поширокото метрополитенско подрачје на Токио за потенцијална катастрофа.
Видео од Владата на Токио предупредува дека ерупцијата може да се случи „во секое време, без предупредување“. Видеото покажува вулканска пепел како го обвива центарот на Токио, на околу 100 километри оддалеченост, за неколку часа, парализирајќи го сообраќајот, прекинувајќи го снабдувањето со храна и електрична енергија и предизвикувајќи долгорочни респираторни проблеми.
Видеото завршува со пораката: „Мора да се вооружиме со факти и да се подготвиме за катастрофа во нашиот секојдневен живот“. Еден кадар ја прикажува оставата на семејството полна со конзервирана храна и комплети за прва помош.
Токиските власти соопштија дека во моментов нема знаци за ерупција на вулканот Фуџи. „Симулацијата е дизајнирана да ги опреми жителите со точно знаење и мерки за подготвеност што можат да ги преземат во случај на вонредна состојба“, се вели во соопштението.
Но, видеата предизвикаа вознемиреност и конфузија кај некои жители. „Дали навистина има знаци на ерупција? Зошто сега слушаме работи како „може да падне 10 сантиметри пепел“, дури и во Токио? Се прашувам зошто ова се случува одеднаш“, рече Шиничиро Карија, 57-годишен вработен во болница.
Европа
Кремљ: Тешко е да се замисли дека нашите дронови летаат над Германија

Според „Њујорк тајмс“, беспилотни летала што им припаѓаат на Русија или на нејзините посредници летале над рутите што транспортираат американски воени резерви во Германија.
Повикувајќи се на американски и западни претставници, весникот наведува дека Москва собира разузнавачки информации што би можеле да се искористат за „интензивирање на саботажната кампања на Кремљ“ и „помош на неговите сили во Украина“. Американските и германските претставници „разговараат за руските саботажни напори“, се додава во статијата.
Запрашан за извештајот, портпаролот на Кремљ, Дмитриј Песков, рече дека Москва немала време детално да го проучи. „Но, тешко е да се замисли“, рече тој.
„Затоа што тогаш Германците би го виделе јасно и тешко дека би молчеле. Значи, се разбира, сето ова повеќе личи на уште една измислица на весникот“.
Европа
(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот, соопшти војската.
A Polish F-16 Tiger Demo jet crashed while rehearsing for the Radom Air Show 2025, which is set to take place on August 30 and 31 in Poland.
The pilot didn't manage to eject and died as a result of the crash. pic.twitter.com/zJ5Ao3TRpv
— TabZ (@TabZLIVE) August 28, 2025
„Пилот на полската армија загина во падот на авионот Ф-16 – офицер кој секогаш ѝ служел на својата земја со посветеност и голема храброст. Оддавам почит во негово сеќавање“, напиша министерот за одбрана Владислав Косињак-Камиш на X откако пристигна на местото на несреќата.
We are deeply saddened to hear the news that Major Maciej “SLAB” Krakowian, pilot of the Polish F-16 Tiger Demo Team, lost his life this afternoon during a rehearsal for the Radom Airshow. Our thoughts are with his family, friends and colleagues. pic.twitter.com/4iVUF0oYpm
— RAF Cosford Air Show (@cosfordairshow) August 28, 2025
Високата команда на вооружените сили соопшти дека авионот бил од 31-та тактичка воздухопловна база кај Познањ и дека нема повредени цивили. „Спасувачките операции веднаш беа започнати на местото на настанот“, се вели во соопштението.
Снимките објавени од полските медиуми го покажуваат Ф-16 како изведува ротирачко движење пред да се сруши и да се запали додека се лизга по земјата.
Локалните медиуми јавуваат дека авионот се урнал на пистата околу 19:30 часот, дека пистата е оштетена и дека аеромитингот во Радом е откажан.
фото: принтскрин