Израелскиот премиер Бенјамин Нетанјхау се сретна во неделата вечерта со американскиот амбасадор Даниел Шапиро, два дена по усвојувањето на резолуцијата во Советот за безбедност на Обединетите нации за еврејските населби на Западниот брег, која е неповолна за Израел, соопштија официјални извори.

Не се објавени никакви поединости за овој состанок.

Претходно во неделата на состанокот на владиниот кабинет во Ерусалим, израелскиот премиер Бенјамин Нетанјаху во писмена изјава обвини дека била резолуцијата бил формулирана и иницирана од страна на администрацијата на американскиот претседател на заминување Барак Обама, со кого имаат многу затегнати односи и оти направила „срамотен незаконски потег“.,

Со текстот кој беше изгласан во петокот се бара од Израел „веднаш во целост да ја прекине секоја активност на населување на окупираната палестинска територија, меѓу другото и во источен Ерусалим“, и се тврди дека доселеничките населби „немаат правна издржаност“.

Ова е првпат по 1979 година САД да не стават вето на резолуција на Советот за безбедност на ОН за израелското населување, додека досега го поддржуваа Израел околу ова извонредно чувствително прашање. Американскиот претставник со својата воздржаност всушност го овозможи усвојувањето на овој текст за кој гласаа 10 од 14-те земји постојани и непостојани членки на Советот за безбедност.

Амбасадорите на сите земји кои гласале за резолуцијата се повикани во неделата во израелското министерство за надворешни работи, освен амбасадорите на Венецуела, Малезија, Сенегал и Нов Зеланд, бидејќи овие земји или немаат дипломатски односи со Израел или немаат претставници во оваа земја. Во министерството не беше повикан ниту американскиот амбасадор и тој единствен се сретна со премиерот Нетанјаху./крај/мф/сн