Американските маринци од 31-та морска експедициска единица во Арапското Море привремено го запленија, а потоа го ослободија M/V Blue Star III под сомнение дека се движи кон Иран. Инцидентот е дел од американската блокада на иранските пристаништа, објави Централната команда на САД (CENTCOM) на платформата Икс.

„Американските сили го ослободија бродот откако извршија пребарување и утврдија дека неговото патување не вклучувало застанување во иранско пристаниште“, соопшти CENTCOM, додавајќи: „До денес, 39 бродови се пренасочени за да се обезбеди спроведување на блокадата“.

Earlier today in the Arabian Sea, U.S. Marines from the 31st Marine Expeditionary Unit boarded M/V Blue Star III, a commercial ship suspected of attempting to transit to Iran in violation of the U.S. blockade of Iranian ports. U.S. forces released the vessel after conducting a… pic.twitter.com/UFx329OsHj

— U.S. Central Command (@CENTCOM) April 28, 2026

Три брода остануваат во американски притвор

Најмалку три брода се запленети од страна на САД и сè уште се во американски притвор, изјави претседателот на Здружениот штаб, генерал Ден Кејн, на прес-конференција во Пентагон минатата недела. Бродовите се M/V Touska, M/T Tiffany и M/T Majestic X.

Американскиот Стејт департмент објавува нови дизајни на пасоши за да ја одбележи 250-годишнината од американската независност. Новите пасоши, кои ги прикажа ексклузивно „Fox News Digital“, ќе го имаат ликот на претседателот Доналд Трамп, објави „Фокс њуз“.

Пробните верзии го прикажуваат ликот на Трамп опкружен со Декларацијата за независност и американското знаме, со потпис на претседателот во златна боја. На втората страница е позната слика на која се прикажани основачите на нацијата како ја потпишуваат Декларацијата за независност.

Издавањето пасоши, планирано за ова лето, е дел од пошироката прослава „Америка250“ на администрацијата на Трамп, која вклучува трка на Гран При на National Mall во август и борба на UFC на Јужниот тревник на Белата куќа во јуни.

„Додека Соединетите Американски Држави ја слават 250-годишнината од Америка овој јули, Стејт департментот се подготвува да издаде ограничена серија специјално дизајнирани американски пасоши за да го одбележи овој историски настан“, изјави портпаролот на Стејт департментот, Томи Пигот.

Пасошите ќе бидат достапни во Агенцијата за пасоши во Вашингтон за „секој граѓанин на САД“ кој ќе аплицира за нова патна исправа, во зависност од достапноста. Претставник на Стејт департментот потврди дека издавањето се очекува во јули, што ќе се совпадне со прославите на 250-годишнината.

Просечните цени на горивата во Соединетите Американски Држави се искачија на највисоко ниво од почетокот на војната со Иран, поради страв од продолжена енергетска криза, додека Вашингтон и Техеран се чини дека се во ќорсокак околу предлогот за повторно отворање на Ормускиот теснец и прекин на двомесечниот застој, објавува „Ју-Ес-Еј Тудеј“.

Цените на бензинот во вторник достигнаа просечно 4,18 долари за галон, што е највисоко ниво од почетокот на војната меѓу Русија и Украина во 2022 година.

Скокот на цените доаѓа во време кога Белата куќа е скептична кон иранскиот мировен предлог што има за цел да ги одложи дискусиите за нуклеарната програма на Техеран, а претседателот Доналд Трамп инсистира дека секој договор мора да вклучува откажување од збогатување на ураниум од страна на Иран.