ПСЖ и Баерн Минхен, го одиграа најспектакуларното полуфинале во историјата на Лигата на шампионите. Актуелниот шампион ги победи Баварците со 5:4 (3:2). Баерн и покра поразот задоволен се враќа во Минхен, бидејќи во 58-та минута, ПСЖ имаше водство 5:2.

Атомски фудбал на „Паркот на Принцовите“ одиграа бранителот на титулата и шесткратниот европски првак.

Натпреварот имаше нестварен интензитет, невозможно е да се набројат шансите на двете страни. Определбата на тренирите, нивните тимови да играат високо кога напаѓаат придонесе на крајот фудбалскиот аудиториум да сведочи на двевет постигнати гол.

Кејн од пенал погоди за водство на Баерн, но ПСЖ експресно се врати во натпреварот и поведе со головите на Кварацхелија и Жоао Невеш. ДО крајот на полувремето, магија на Олисе за 2:2, а потоа несмасен пенал направи Дејвис, буквално на истекот на времето во првиот дел. Дембеле му ја врати предноста на ПСЖ.

Блиц криг на „светците“ со головите на Кварацхелија и Дембеле за огромна предност од 5:2 во 58-та минута.

Баерн не се откажа, Упамекано намали на 5:3, а Луис Дијаз целосно ги врати Баварците во мечот со четвртиот гол.

До крајот, Мају за ПСЖ ја погоди гредата,а обидот на Лајмер во последната минута, Пачо го одбрани на гол линијата.

Реваншот во Минхен, ќе се игра наредната среда.

Foto/ EPA

Ракометарите на Вардар 1961 претрпеа тежок пораз во Монпелје 33:23, во четвртфиналето, во Лига Европа. Без двајцата најдобри играчи Јака Малус и Дмитро Хориха, црвено-црните, издржаа едно полувреме, во второто целосно потонаа.

Првото полувреме заврши со предност од два гола за фрнацускиот тим, во второто тренерот на Вардар 1961, Иван Чупиќ се обиде во нападот да игра „7 на 6“, но тоа не му донесе ништо добро. Монпелје сите грешки во нападот на црвено-црните, знаеше да ги казни.

Дополнителни проблеми дојдоа по црвениот картон на Тузолана, што дополнително ја скрати ротацијата во тимот на Вардар 1961.

Да СИлва и Митровиќ со по шест гола беа единствените светли точки во редовите на црвено-црните.

Реванш натпреварот е закажан за 5 мај во Скопје.

Foto/ facebook.com/rkvardar

Кошаркарите на Бург ја освоија титулата во Еврокупот. Францускиот тим во два натпревари го доби Бешикташ. Минатата недела победија во Истанбул со 72:60, а пред своите навивачи, вечерва, во неверојатна завршница, славеа со 73:71.

Бург со триумфот во Еврокупот обезбеди пласман во Евролигата, но прашање е дали клубот ќе реши да игра во елитата. Проблем моѓат да бидат финансииите.

Натпреварот кој беше тензичен од самиот почеток, кулминирапе во последните 90 секунди. Бешикташ успеа да надомести минус од пет поени, со тројката на Метјузи изедначи на 71:71, а во последните 15 секунди нападот на Бург, одеше на Мокока, кој погоди од тешка позиција за победа и титула во Еворпкупот.

Бург го предводеа Кокила со 18, Мокока со 17, Мичел и Мекдауел Вајт со по девет поени. Кај Бешикташ, Метјуз постигна 18, Жижиќ 14, Лемар 13, Ентони Браун 10 поени.