Свет
Папата на Божик прати порака за мир во светот погоден од војните и тероризмот
Поглаварот на Римокатоличката црква папата Франциск во своето божикно обраќање изрази надеж во мирот во светот кој е обележан со војните и тероризмот, повикувајќи ги луѓето дека на тој ден да се потсетат на имигрантите, бегалците и на оние кои се погодени со економската нестабилност предизвикана од „идолатријата кон парите“.
Пораката во традиционалното папско обраќање „Ubri et Orbi“ (На гадот и светот) беше годинава исполнета со пораките за војните, насилствата и патењата во периодот кој би требало да биде одбележан со хармонија и мир, симболизирани во раѓањето на Исус.
„Денешната порака оди до крајот на светот за да дојде до сите луѓе, особено оние погодени од војната и жестоките судири кои се чинат посилни од тежнеењата кон мирот“, истакна папата Франциск зборувајќи на италијански јазик.
Папата на четвртиот Божик откако во 2013 година стана поглавар на католиците, ги повика Палестинците и Израелците да имаат храброста да ги истават настрана омразата и одмаздата, и „да испишат нова страница на историјата“. Меѓу двата народа кон крајот на седмицава изби напнатост поради одлуката на Обединетите нации за запирање на израелското населување на спорните територии кои меѓународната заедница ги смета за окупирани палестински од Израел во војната од 1967 година.
„Мир на оние кои загубиле драга личност во бруталните акти на тероризам кои посеа страв и смрт во срцата на многу држави и градови“, рече Папата пред околу 40.000 луѓе собрани на Плоштадот Свети Петар.
Повика на мир во Сирија и забрзано давање помош на исцрпеното население на градот Алепо кој од минатата седмица по речиси четири години повторно е целосно под контролата на сириската влада.
„Време е оружјето да замолкне засекогаш, а меѓународната заедница активно да побара договорено решение за да се обнови соживотот во таа земја“, додаде папата Франциск.
Истакна дека Божик би требало да ги инспирира сите да им помогнат на оние коишто имале помалку среќа, вклучително и мигрантите, бегалците и оние кои се погоден иод општествените и економските немири.
„Мир за оние кои патат поради економските амбиции на неколкумина, поради обична алчност и идолатрија на парите коешто води до ропство“, истакна Папата.
Повика и на крај на „фундаменталистичкиот тероризам“ во Нигерија, каде што исламистичкото движење Боко Харам, кое ѝ изрази лојалност на ултрарадикалната сунитска организација Исламска држава, уби повеќе од 15.000 луѓе и протера околу 2,6 милиони жители.
Папата упати апел и за завршување на тензиите меѓу владата и опозицијата во Венецуела, на слога во Колумбија каде што неодамна договорот меѓу судрените страни ја заврши децениската воја меѓу герилците од FARC и владата, како и на мир на Корејскиот полуостров и во Мјанмар./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.