Регион
Бугарија пред нови избори, и Нинова не успеа да формира влада
![](https://makfax.com.mk/wp-content/uploads/2023/01/9907959.840x500-pim2-78f9dcd1.jpg)
Лидерката на БСП, Корнелија Нинова, го врати неисполнетиот третиот мандат за формирање влада една недела по преземањето.
„Направивме сè што е потребно за да го исполниме третиот мандат, донесовме важни задачи за редовна влада и парламент – шенген, буџет за 2023 година и реформи во правосудството. Ги поканивме сите страни на разговор. Стана јасно дека нема договор и мнозинство за формирање влада, затоа го враќам третиот мандат“, рече Нинова, пренесе „Бгнес“.
„Ви честитам за напорите. Очигледно, не е најдено решение во оваа политичка ситуација, посакувам успех на парламентарните избори“, изјави бугарскиот претседател, Румен Радев.
Тој ја поканил Централната изборна комисија да даде повеќе информации за подготвеноста за претстојните избори и врз основа на овие информации да донесе одлука за распуштање на 48. Национално собрание и датум за следните избори во земјата.
Ова беше последна можност да се создаде влада во рамките на 48. Народно собрание според Уставот по пропаднатите два обида за формирање редовен кабинет.
Во првиот мандат доделен на ГЕРБ-СДС, кандидатот за премиер, проф. Николај Габровски, собра само 115 гласа за поддршка, а 125 пратеници гласаа против. По неуспехот на ГЕРБ-СДС да формира влада, ПГ на „Продолжуваме со промените“ ја изнесе кандидатурата за премиер на академик Николај Денков, кој ги повика сите партии на разговори за формирање влада. ПП подготви декларација со заеднички приоритети, која собра само 63 гласа за поддршка во пленарната сала. Една недела подоцна, ПП му го врати неостварениот втор мандат на претседателот Радев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.