Регион
Во Белград претставена книгата „Анатомијата на судското убиство“: Милошевиќ е убиен
![](https://makfax.com.mk/wp-content/uploads/2017/03/097991.jpg)
Книгата на „Анатомијата на судското убиство“ е всушност судско-медицинска експертиза на извештајот на судијата Кевин Паркер, кој ја водеше истрагата во врска со смртта на поранешниот српски водач, Слободан Милошевиќ и „сублимат на сето она што на Милошевиќ му се случувало во Хаг“, изјави во петокот авторот на книгата Вукашин Андриќ, еден од лекарите на Милошевиќ.
Авторот Вукашин Андриќ на претставувањето на книгата во Белград оцени дека судијата Кевин Паркер во извештајот напишал низа невистини и дека неговата задача не била да испита како Милошевиќ умре, како е лекуван и зошто умрел, туку да ја измие совеста и сето она што, како што рече, Хашкиот трибунал за воени злосторства го сторил за смртта на Слободан Милошевиќ.
Андриќ потсети дека Милошевиќ во Хаг мина пет години, додавајќи дека „„не смеел и не можел жив да ја напушти Холандија“, пренесуваат белградските електронски медиуми.
Андриќ тврди дека Милошевиќ не умрел поради труење со лекот „рифампицин“, туку претпоставува дека Милошевиќ практично убиен со „дроперидол“, која кај болните кои боледуваат од болестите од кои пател Милошевиќ предизвикуваат аритмија која доведува до акутна срцева смрт.
Слободан Милошевиќ не умрел на 11-ти туку на 10-ти март, бидејќи споменатиот лек го земал со чај, кафе или во вечерата и по половина час бил мртов, наведува Андриќ.
Авторот го поставува прашањето како е можно ноќта меѓу 10-ти и 11-ти март во затворот да не биде вклучена ниедна надзорна камера и стражарите да не ги правата редовните контроли на притворениците вклучително и на Милошевиќ
Поранешниот потпретседател на Сојузната влада на некогашната СРЈ, Никола Шаиновиќ, кој од Хашкиот трибунал е осуден на 22 години затвор поради воени злосторства, изјави дека неговата генерација има долг да ја изложи „целата вистина пред нашата (српската –з.р.) и светската јавност“, како и дека книгата е „добар чекор на патот кон целосната вистина. Додаде дека книгата ќе биде преведена и на англиски јазик.
Медиумите забележуваат дека во публиката на претставувањето на книгата немало ниеден функционер на Социјалистичката партија на Србија (СПС) чиј долгогодишен претседател беше Милошевиќ, а сега е коалициски партнер во владата на Александар Вучиќ од Српската напредна партија (СНП). Не бил присутен ниту Милутн Мркоњик, кој според медиумите го финансирал печатењето на книгата.
Покрај тоа, иако биле најавени како говорници на промоцијата, не се појавиле ниту адвокатот на Милошевиќ, Зденко Томановиќ, поранешниот државен обвинител на СРЈ Вукашин Јокановиќ, како ниту полковникот др Ивица Милосављевиќ, кој како еден од патолозите од Србија во Хаг во 2006 година ја надгледувал обдукцијата на телот на Слободан Милошевиќ и потпишал дека е согласен со резултатите од неа./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.