Регион
Истанбул: Покрај напаѓачот врз клубот уапсени уште четири лица
Турската полиција во вторникот објави дека по две седмици потрага ги уапси мажот кој е одговорен за масакрот на 39 луѓе во истанбулскиот ноќен клуб „Reina“ на новогодишната ноќ, а покрај него на периферијата на Истанбул се уапсени уште четири лица осомничени за поврзаност со нападот.
Гувернерот на Истанбул Васип Сахин ги потврди медиумските извештаи од понеделникот ноќта дека е уапсен Абдулгадир Машарипов роден 1983 година во Узбекистан, со борбено име Абу Мохамед Хорасан, обучуван во Авганистан.
Ја признал својата вина, а неговите отпечатоци од прстите им одговараат на оние кои се најдени на местото на злосторството. „Зборува четири јазика и добро е образован“, изјави Сахин на прес-конференцијата.
Постојат силни знаци дека во Турција влегол илегално, преку нејзината источна граница, во јануари 2016 година, и јасно е дека нападот е изведен во името на ултрарадикалната сунитска организација Исламска држава, пишуваат медиумите.
Приватната новинска агенција Dogan (DHA), објави фотографија на осомничениот напаѓач со модринка на окото, исеченица над окото и крваво лице и маичка.
Машарипов е уапсен наводно во луксузен стан заедно со неговиот син. Уапсени со уште еден Киргиз и три жени од Африка, од Сомалија, Египет и Сенегал. Сите се уапсени во квартот Есенјурт, на западната периферија од Истанбул.
Уапсениот бил однесен на здравствени проверки. По апсењето на групата, полицијата шест часа вршела пребарувања на куќата.
Апсењето на Машарипов дојде откако пред десет дена турските власти објавија дека им е познат идентитетот на терористот. Во неделата полицијата лоцирала во истрагата куќа во округот Силиври, но на таа адреса нашла само 150.000 американски долари. Според полицијата тие требало да му бидат исплатени на Узбекот, но тој не успеал да ги земе поради интензивната полициска потрага по него.
Според досегашните сознанија, откако со такси пристигнал пред ноќниот клуб напаѓачот од багажниот простор ја извадил автоматската пушка и за кусо време неселективно но професионално стрелал врз гостите во клубот. Потоа во мешаницата успеал да се провре низ полицискиот кордон и дошил до куќа во квартот Зејтинбурну од каде го земал својот син и побегнал.
„Ѝ честитам на нашата полиција која го уапси извршителот на масакрот во Ортакеј. Нашата војна против теророт и силите коишто стојат зад него,ќе продолжи сé до крајот “, изјави на својот Twitter профил вицепремиерот и портпарол на турската влада, Нуман Куртумлуш.
Поради овој напад, за кој одговорноста ја презема Исламската држава како одмазда за операциите на Турција против неа во Сирија и во Ирак претходно беа уапсени десетици лица./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Фон дер Лајен: Србија е еден од најнапредните кандидати за членство во ЕУ
Србија е една од најнапредните земји во процесот на пристапување во Европската унија и на неа е да избере брзина на пристапување, изјави претседателката на Европската комисија Урсула фон дер Лајен по состанокот со српскиот претседател Александар Вучиќ во Белград.
Фон дер Лајен рече дека партнерството меѓу Србија и Европската унија станува се посилно, а ЕУ е првиот трговски партнер и инвеститор на Србија.
Напредокот на Србија на европскиот пат и почетокот на имплементацијата на Планот за раст на Западен Балкан беа во фокусот на разговорот меѓу Вучиќ и Фон дер Лајен.
„Планот за раст треба да ги приближи економиите од Западен Балкан до нашата и постепено да го интегрира регионалниот пазар со единствениот европски пазар. Принципот е многу едноставен. Ги отвораме вратите на единствениот пазар на Европската унија во одредени сектори за српските компании, а за возврат треба да се спроведат одредени реформи заради фер услови на пазарот“, рече Фон дер Лајен.
Регион
Земјотрес со јачина од четири степени ја погоди Албанија
Земјотрес со јачина од четири степени според Рихтеровата скала вечерва ја погоди Албанија, соопшти Европско-медитеранскиот сеизмолошки центар (EMSC).
Земјотресот се случил на длабочина од пет километри, додава EMSC.
Епицентарот на земјотресот е регистриран на 11 километри источно од градот Фјер, каде живеат околу 60.000 луѓе.
Регион
Вучиќ со Фон дер Лајен: Сѐ додека јас сум претседател, Србија ќе остане на европскиот пат
Претседателот на Србија, Александар Вучиќ, денеска изјави дека сѐ додека тој е претседател на државата, Србија нема да ги промени своите главни надворешнополитички цели, а тоа се европскиот пат и определбата за членство во ЕУ.
На заедничката прес-конференција со претседателката на Европската комисија, Урсула фон дер Лајен, која е во дводневна посета на Србија, Вучиќ рече дека европскиот пат е од клучно значење за напредокот на земјата, дека Србија посветено работи на тој пат и се надева на резултати.
Тој истакна дека имал многу долг, крајно отворен и искрен разговор со Фон дер Лајен и дека има работи за кои Европската Унија ја критикува Србија, но дека претседателот на ЕК секогаш бил подготвен да ја сослуша нивната страна.
Како што рече, разговарале за определбите на Србија.
„Јас ѝ го кажав истото тоа што ви го кажав вчера. Колку и да размислуваат поинаку некои луѓе, јас сум претседател на Републиката со највисок легитимитет во државата, избран директно од граѓаните двапати по ред во првиот изборен круг, што никогаш не се случило во нашата историја, а додека јас сум претседател, нема промена на главните цели на нашата надворешна и внатрешна политика. Тоа значи дека нашиот европски пат е и наше застапување за европска Србија и е од клучно значење за нашиот напредок, дека Србија ќе се посвети на работа на тој пат и дека се надеваме на резултати“, изјави Вучиќ.
Тој ѝ честита на Урсула фон дер Лајен за нејзиниот реизбор на функцијата претседател на Европската комисија и ѝ се заблагодари за поддршката што ѝ ја дала на Србија во претходниот мандат и додаде дека се надева оти тоа ќе продолжи да го прави и во овој мандат, пренесува „Танјуг“.
„Има една работа што луѓето во Србија многу ја почитуваат. Кога ни доаѓаат гости, речиси сите доаѓаат во Белград кога се во прашање високи делегации, официјални посети во нашата земја и двапати отидовме далеку од Белград, далеку од урбаните средини, а тоа е нешто што нашите граѓани, нашиот народ, исклучително го почитуваат и ценат, ви благодариме за поддршката и помошта што ни ја дадовте во претходниот период“, рече Вучиќ.