Регион
Поради корупција и злоупотреби уапсени 47 лица во Србија
![](https://makfax.com.mk/wp-content/uploads/2017/03/153907_fonet04-news1-marina-lopicic_ff.jpg)
Српската полиција уапсила во понеделникот 47 лица и поднела кривични пријави против уште 19 поради сомневања дека од 2005 година можеле да нанесат штета од 17,5 милиони евра на државниот буџет на Србија, на покраината Војводина, на Градот Белград, но и на компании и поединци.
Станува збор за кампања за сузбивање кривични дела од областа на перењето пари, финансиски криминал и корупција, поврзано со злоупотреби на службените овластувања и позиции во државните органи.
Акцијата, којашто се води под кодното име „Плутон 2“, е спроведена во 19 градови ширум Србија: Белград, Панчево, Нови Сад, Сремска Митровица, Сомбор, Зрењанин, Суботица, Ваљево, Смедерево, Јагодина, Ужице, Крагуевац, Краљево, Ниш, Лесковац, Врање, Пирот, Прокупље и Нови Пазар.
Според соопштението на српското МВР, осомничените се товарат за даночни затајувања, злоупотреби на функциите и овластувањата во економијата, ненаменско трошење пари од државниот буџет, проневери, фалсификувања на службени документи, измами и тешки кражби.
Меѓу уапсените е и поранешниот началник на Одделот за прехранбени производи во Републиката дирекција за стокови резерви, некогашен директор на Здравствениот дом во Инџија, лекар, градежни инспектори, матичари, инвеститори..
Во Нови САД три лица се товарат дека со злоупотреба на функциите го оштетиле Клиничкиот центар на Војводина во милионски суми.
Српската полиција уапси на 1-ви март во слична акција против финансискиот криминал, злоупотреби и корупција 53 лица, против 25 се поднесени кривични пријави, а сите се осомничени дека на државниот буџет му нанеле штета поголема од 10 милиони евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.