Регион
(Видео) И грчките студенти излегоа на улиците: „Ова е злосторство што не треба да се прикрива“
На железничарите во Грција, кои протестираат по смртоносната несреќа, денес им се придружија и грчките студенти барајќи правда за загинатите колеги.
Тие се собраа во центарот на Атина и в одругите грчки градови – Лариса, Волос и Патра.
Thousands of Students’ huge demonstration in front of #hellenic_train shouting
#GreeceTrainAccident #hellenictrain #greecetraincrash #greecetrain #antireport #Athens #Greece #τεμπη #τεμπη_τραγωδια #παμε_και_οπου_βγει #Λαρισα #ΣΥΓΚΡΟΥΣΗ_ΤΡΕΝΩΝ_ΕΛΛΑΔΑ pic.twitter.com/blB1ZxlR2Q— Abdul Ahad (@OneAahad) March 3, 2023
„За децата во Темпи, за нивните семејства и за нас. Ова е злосторство што не треба да се прикрива, ние го претставуваме гласот на сите загинати“, порача Студентскиот координативен сојуз на Атина.
Насобраните носеа црни балони и со едноминутно молчење им оддадоа почит на настраданите во несреќата.
Students’ huge demonstration March towards the parliament
#hellenic_train #GreeceTrainAccident #hellenictrain #greecetraincrash #greecetrain #antireport #Athens #Greece #τεμπη #τεμπη_τραγωδια #παμε_και_οπου_βγει #Λαρισα #ΣΥΓΚΡΟΥΣΗ_ΤΡΕΝΩΝ_ΕΛΛΑΔΑ pic.twitter.com/UeoNtqGGoX— Abdul Ahad (@OneAahad) March 3, 2023
Грчките железничари и денеска го продолжија штрајкот на нови протестни собири поради железничката несреќа во Лариса, во која загинаа најмалку 57 лица, главно студенти.
Здружението на железниците со години предупредуваше за лошата состојба на железницата, но тоа никогаш не беше сфатено сериозно, соопшти главниот грчки железнички синдикат барајќи средба со новиот министер за транспорт назначен по несреќата со мандат да обезбеди никогаш да не се случи таква трагедија повторно.
Синдикатот соопшти дека сака јасен распоред за спроведување на безбедносните протоколи на железницата, како и одговори за тоа како се случила несреќата во Лариса, објави „Ројтерс“.
Операцијата за отстранување на вагоните што излетаа од шините треба да заврши денеска, соопшти претставник на Противпожарната бригада.
Во судир на брз патнички воз, со повеќе од 350 патници, со товарен воз во близина на градот Лариса ноќта меѓу вторникот и средата загинаа 57 лица.
Тоа е најголемата железничка несреќа во историјата на Грција, а претходно најголемата беше во 1968 година кога во несреќа на јужниот дел на Пелопонез загинаа 34 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.