Регион
Вучиќ не потврди дали поради случајот со возот го разрешил шефот на канцеларијата за Косово

Српскиот премиер Александар Вучиќ, запрашан околу тоа дали го разрешил шефот на канцеларијата за Косово, Марко Ѓуриќ, поради случајот со „рускиот“ воз кој предизвика скандал помеѓу Србија и Косово, не дал нити потврден, нити негативен одговор, туку само кратко „иронично им честитал на косовските медиуми, кои пишувале за ова“.
„Добро, доколку тие (косовските медиуми) знаат така, тогаш им честитам на тоа. Гледам дека почнаа околу се да одлучуваат, па така носат и одлуки за кадровските промени во владата на Србија“.
Одредени косовски портали во четвртокот пренесоа дека Вучиќ одлучил поради случајот со возот да го смени Ѓуриќ, а новинската агенција Косовапрес наведува дека оваа информација ја добила од извори од српската партија во Косов, Српска листа.
Скандалот настана минатата сабота кога возот произведен во Русија и насликан со српски православни мотиви и натписот „Косово е Србија“ на 21 јазик беше пуштен во употреба и требаш да вози од Белград до Косовска Митровица, при што беше сопрен од страна на косовските власти непосредно пред да влезе на косовска територија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Огромен пожар беснее на Кипар, две лица загинаа

Две лица загинаа во огромен шумски пожар што беснее на јужен Кипар, а стотици се евакуирани бидејќи пожарите уништуваат домови и им се закануваат на села поради интензивниот топлотен бран.
Најмалку 100 квадратни километри се изгорени во лозарски регион северно од градот Лимасол откога пожарот избувна вчера околу пладне.
Неколку пожари беа сè уште активни утрово. Две лица беа пронајдени мртви во изгорено возило зафатено од пламен. Најмалку 10 лица се повредени, од кои две сериозно, соопшти полицијата.
Cyprus – huge fires out of control with strong winds and 45C predicted tomorrow!
Several villages evacuated and many homes under serious threat.
Any help from our neighbours needed urgently. pic.twitter.com/m9f1rjqMt8
— Andreas Adamides (@AndreasAdamides) July 23, 2025
Рано утрово пожарот продолжи да го загрозува Лимасол, раскошен крајбрежен град, чиј развој се прошири на околните планини во последните години. Воздушните противпожарни сили беа повторно распоредени во зори по паузата во текот на ноќта.
Властите велат дека е прерано да се даде точен извештај за штетата или да се шпекулира за причината за пожарот.
„Се справуваме со многу силни ветрови, со налети, кои постојано се менуваат“, изјави портпаролот на противпожарната бригада, Андреас Кетис.
Температурите на островот вчера достигнаа 43 Целзиусови степени, што предизвика жолто временско предупредување. Ново жолто предупредување е во сила денес, при што се очекува температурите да достигнат 44 Целзиусови степени, највисоки оваа година.
this is cyprus now, 10s of kilometers across on fire
we dont even have the appropriate gear to fight this because of the russian sanctions from the eu
this isnt unexpected, every summer we have wild fires but the european union gets to decide our fate pic.twitter.com/PYldsQ1CUM
— lefy ∆ (@lefycodes) July 23, 2025
Кипар побара помош преку механизмот за цивилна заштита на Европската Унија, а се очекува Шпанија денес да испрати два авиона, изјави портпаролот на владата, Константинос Летимбиотис. Јордан исто така вети помош.
Кипар се бори со продолжена суша, што ги остави неговите оскудни водни ресурси критично ниски. Засегнатото подрачје е северно од резервоарот Куриса на Кипар, најголемиот на островот. Вчера беше само на 15,5 % од својот капацитет.
Фото: принтскрин
Регион
Тројца Британци осомничени за силување во хотел во Сплит

Тројца британски државјани од албанско потекло се приведени под сомнение за силување на 28-годишна жена во хотел во Сплит, објавува „Далматински портал“.
Полицијата добила пријава во вторникот, кратко по 7 часот наутро. На местото на настанот пронашле еден осомничен, додека другите двајца биле брзо пронајдени и уапсени.
По завршувањето на кривичната истрага, полицијата утврдила дека постои основано сомнение дека тројцата заеднички и согласно го сториле тешкото кривично дело силување врз хрватската државјанка.
Тие биле испрашани од државното обвинителство, а се очекува предлог за изрекување мерка притвор.
Фото: принтскрин
Регион
Силен земјотрес го погоди Крит

Земјотрес со јачина од 5,2 степени го погоди грчкиот остров Крит попладнево, со епицентар во морето, југозападно од градот Ханија.
Земјотресот се случил во 16:26 часот по локално време на длабочина од околу 50 километри, според конечните податоци од Националната опсерваторија во Атина (NOA), пренесуваат медиумите во регионот.
Земјотресот бил почувствуван во пошироката област на западен Крит, но според досегашните информации, не предизвикал значителна материјална штета. Локалното население пријавило слабо до умерено тресење. Најсилно бил почувствуван во градот Кисамос, на околу 34 километри од епицентарот. Послаби потреси биле регистрирани и во поголемите градови како што се Ханија, Суда и Ретимно.