Регион
Курти наведе список со имиња на Срби кои ги обвини за немирите на северот на Косово
Во Приштина се одржува вонредна седница на Собранието, каде на дневен ред е само една точка, ситуацијата на северот на Косово и Метохија.
Премиерот Албин Курти, ја искористи седницата да ги таргетира Србите кои живеат на Косово и Метохија, наведувајќи список со нивните имиња и обвинувајќи ги за немирите во Звечан. Тој ги објави и имињата на некои од луѓето за кои рече дека се главни организатори на немирите на северот во последните денови.
Според него, главната улога во организирањето на демонстрантите ја имаат „припадниците на незаконското формирање на таканаречената „граѓанска одбрана“ и „поранешните припадници на косовската полиција“. „Овие протести, и покрај сета нивна злоба, ни послужија да направиме валидни идентификации“, рече тој во собранието.
Курти истакна и дека има доволно снимки кои докажуваат дека ескалацијата на ситуацијата на 29 мај била организирана, добро испланирана и дека има автор и дека тоа е Белград, пренесува „Газета експрес“.
Тој пред пратениците ја кажа „хронологијата“ на настаните на северот, што, според него, е важно бидејќи покажува дека косовските институции ги исполниле своите обврски. Како што наведе, на 29 мај „добар дел од криминалните групи организирано се вратиле за да ја ескалираат ситуацијата“.
„Постапивме во согласност со Уставот и интересите на Република Косово. И мислам дека хронологијата на настаните покажува дека немаше само консултации, туку и координација со меѓународните партнери. Немаше изненадувања бидејќи тоа беше процес со многу врски, а последната алка беше дека градоначалникот оди на своето работно место“, рече Курти.
Тој изјави дека „здружувањето“ на новите градоначалници со специјалците е оценка на безбедносните институции.
„Кога градоначалниците влегоа во зградите беа празни. Српската листа ги остави. Тие знаат дека зградите не се нивни“, рече Курти.
Тој изјави дека владата што ја предводи верува во трајно пријателство со САД и со Европската Унија, додавајќи дека пристапот кон Косово и Србија не може да биде ист.
„Србија е автократска, а не демократска земја“, рече Курти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.