Регион
Малта останува посветена на проширувањето на ЕУ со земјите од Западен Балкан
Процесот на проширување на Европската унија продолжува, а политиката на Малта е таква што таа поддржува цврсто и фер условување и напредок врз основа на постигнувањата на секој од кандидатите или пак потенцијалните кандидати за членство, вели шефот на дипломатијата на Малта, Џорџ Вела во интервју за порталот European Western Balkans (EWB).
„Во неколку наврати имав можност да посетам неколку земји од Западен Балкан, каде повикав на континуирани реформи и добрососедски односи, нешто што на крајот ќе донесе и членство во ЕУ. Мојата последна посета беше во Босна и Херцеговина и таму го повторив ова, односно потенцирав дека во ЕУ нема заморување од процесот на проширувањето“, вели тој.
Според малтешкиот министер, главните предизвици во поглед на овој процес се однесуваат на спроведувањето на неопходните реформи. „Малта исто така помина низ овој процес скоро, пред да стане членка на ЕУ во 2004-та и можам да кажам дека работата која треба да се заврши во спроведувањето на реформите, процес кој некогаш е и доста болен, бара посветеност и упорност. Покрај техничките предизвици во поглед на усвојувањето на европското законодавство, земјите во овој регион мораат да погледнат преку минатото и сегашните тензии и поделби, и да вложат во хармонизирање на регионалната интеграцијата како нивна главна цел“, потенцира Вела.
Запрашан околу тоа какво влијание има големината и бројот на населението на една земја кога станува збор за членство во ЕУ, Вела порачува дека на крајот од денот она што е битно се „визијата и резултатите“ што ги демонстрира секоја поединечна земја, а не нејзините физички карактеристики.
„Доколку има една лекција којашто може да се научи преку членството во ЕУ, тоа е дека големината на земјата не ги диктира резултатите кои таа може да ги оствари. Во поглед на искуствата на Малда, големината на нашата земја, или пак бројот на населението не се покажа како препрека во правењето на предлози и активното учество во европската политика, или пак и во бранењето на сопствените црвени линии кога тоа беше потребно. Многу често ограничувањата си ги наметнуваат самите земји, и на крајот она што е погласно се визијата и резултатите, отколку физичките карактеристики на земјата“, порачува шефот на дипломатијата на Малта во интервјуто за EWB./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.