Регион
Наставничка меѓу 47-те заразени во Словенија, се затвора основно училиште
Словенечкиот министер за здравство објави дека 47 лица се позитивни на коронавирус во Словенија.
Меѓу новозаразените е и наставничка во основно училиште во словенечкото гратче Камник. Според локалните медиуми, училиштето ќе се затвори на 14 дена, а учениците и персоналот ќе бидат во домашна изолација.
Евакуацијата на учениците почнала веднаш штом пристигнале резултатите од тестот на учителката.
Словенечкиот национален институт за јавно здравје извести дека ризикот од инфекција е многу мал затоа што учениците немале близок контакт со наставничката, но сепак мора да се запазат некои мерки: не треба да се дружат со врсниците и не треба да спијат во иста просторија со другите членови на семејството.
Родителите се повикуваат да ги заострат мерките за хигиена.
Како што објави ресорниот министер, од вкупно 47 заразени, 27 случаи се во Љубљана. Тој додаде дека, за жал, бројот на заразени лица се зголемува, но тоа е очекувано.
Новозаразени се регистрирани и во гинеколошкиот оддел на Клиничката болница во Љубљана, каде веќе се преземени некои заштитни мерки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.