Регион
„Наше чедо, секогаш ќе бидеш со нас“: емотивно збогување на таткото на убиената тиктокерка Ноа
Ноа Миливојев (18), по која се трагаше 20 дена, е пронајдена мртва во четвртокот попладне во стан во центарот на Белград. Нејзините родители со емотивна порака на социјалните мрежи се простија од убиената ќерка.
„Наше чедо, секогаш ќе бидеш со нас“, напиша таткото вознемирен од болка.
Тој на својот фејсбук-профил објави црна фотографија под која пријателите на семејството оставаат коментари на сочувство.
По убиената девојка се трагаше повеќе од две недели. Ноа Миливојев исчезна во Белград на 17 јуни, а нејзиното семејство ја пријави како исчезната и објави апел на социјалните мрежи и во медиумите бидејќи долго време не можеле да ја добијат на телефон.
Семејството повеќепати апелира до граѓаните да пријават доколку имаат информации за Ноа.
Кобниот ден отишла да се види со своето момче по што ѝ се губи секаква трага. Д. О. (33) е уапсен поради сомнение дека сторил грозоморно дело.
Осомничениот е обвинет дека, по убиството, се обидел да го уништи телото на младата девојка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.