Регион
„Не може да се оди со нож кон пријателот“: францускиот европратеник за притисокот на ЕУ врз Србија да се сврти против Русија
Пратеникот во Европскиот парламент, Жан-Лин Лакапел, изјави дека Косово нема легитимитет да се интегрира во ЕУ оценувајќи дека вистински извор на нестабилност во Косово е тоа што САД и ЕУ „уценуваат, се закануваат и вршат континуиран притисок“ врз Србија да го признае Косово како држава.
„САД и властите на Европската Унија вршат притисок, уценување и закана за Србија доколку утре не го признае Косово како држава. Србите се форсираат и се обидуваат да им наметнат утре Косово да стане дел од меѓународните организации, како НАТО и ОН “, изјави Лакапел за „Танјуг“.
Тој додаде дека нема да има подобрување на ситуацијата во Косово и дека ќе има блокада сè додека ЕУ е слепа и тврдоглава и се додека нејзина опсесија е Србите да го признаат Косово како независна држава.
Лакапел апелира до ЕУ малку подобро да ги слуша Србите, да ги почитува малку повеќе и да покаже малку повеќе дипломатија.
Тој се осврна и на неодамнешната изјава на известувачот на Европскиот парламент за Косово, Виола фон Крамон, дека сите проблеми кога станува збор за стабилноста на Западен Балкан доаѓаат од Србија нагласувајќи дека смета оти Србија не е одговорна за нестабилноста, туку само ЕУ поради опседнатоста со влезот на Косово во ЕУ.
ЕУ, додаде тој, е таа што создава тензии и погрешно управува со минатото и спецификите на Босна и Херцеговина и Косово и треба повеќе да се посвети на својата улога како посредник.
Според него, ЕУ често има разбирање за разни барања во Косово, но и во соседните земји, како Северна Македонија, Албанија и БиХ, додека тоа ретко е случај кога станува збор за Србија.
„За нас, постои вистинска разлика меѓу овие народи. Од една страна, имате европска цивилизација, која се носела и се инкарнирала во Србија, а од друга, имате други земји што претставуваат значителни ризици кога станува збор за корупција, трговија со оружје, трговија со наркотици, кои се глобална опасност или утре може да претставуваат опасност, бидејќи сите овие земји сакаат да ги интегрираат во ЕУ“, додаде францускиот европратеник, пренесува „Спутник“.
Исто така, Лакапел апелира до ЕУ да престане да ја принудува Србија да ги прекине историските односи со Русија кога е во прашање конфликтот со Украина наведувајќи дека не може да се бара некој „да оди со нож кон својот пријател“.
Според него, ЕУ не може да ја применува истата политика за сите земји што се заинтересирани за членство, особено кога станува збор за Србија, која, како што наведе, е под постојани закани и уцени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Регион
Вучиќ до Силјановска-Давкова: Уверен сум дека ќе продолжиме да работиме на зајакнување на врските меѓу Србија и Македонија
Српскиот претседател Александар Вучиќ ѝ ја честита победата на Гордана Силјановска-Давкова во вториот круг од претседателските избори во Северна Македонија.
„Ѝ честитам на Гордана Силјановска-Давкова за нејзиниот избор за претседател на Северна Македонија и ѝ посакувам успешно да ја извршува одговорната должност што ја презема. Уверен сум дека ќе продолжиме да работиме заедно за зајакнување на врските меѓу Србија и Македонија, со цел напредок и благосостојба на нашите народи, како и просперитет на целиот регион“, изјави Вучиќ на платформата „Икс“.
„Многу ми значат вашите честитки“, му одговори Силјановска-Давкова на Вучиќ по упатената честитка.
„Вашите искрени честитки ми значат многу, претседателе Вучиќ. Очекувам дека ќе продолжиме да работиме на подобрување на одличните македонско-српски односи. Ви благодарам многу, претседателе Вучиќ“!, напиша таа во својот одговор на социјалната мрежа X.