Регион
Османи за „Си-ен-ен“: Потребни се санкции против Србија, сакаме Радоичиќ да биде екстрадиран во Косово
Косовската претседателка Вјоса Османи за Си-Ен-Ен изјави дека Косово е нападнато и дека меѓународната заедница треба да воведе санкции кон Србија, како што велат, за да не се повтори анексијата по линијата на Крим.
Османи во интервју за Кристијана Аманпур, која вчера разговараше со српскиот претседател Александар Вучиќ, цело време инсистираше на агресија на Србија кон Косово.
Таа рече дека Косово нема потврда за повлекување на српската војска од административната линија.
„Работиме заедно со сојузниците за да добиеме потврда за повлекувањето. Многу е важно да се подвлече дека Косово се соочува со без преседан безбедносен предизвик, а тоа е агресија. Имавме јасен акт на агресија од Србија. Тоа беше спроведено од паравоени формации. Таа агресија беше подготвена, со цел анексија по линијата на Крим“, тврди Османи, додавајќи дека Косово успеало да ја спречи со своите сојузници, пренесува Косово онлајн.
Таа ја обвини Србија дека има намера дополнително да го дестабилизира Косово, за да му овозможи на рускиот претседател Владимир Путин да отвори нов фронт во Европа.
„Нема да го дозволиме тоа. Тој обид треба да се запре со санкционирање на Србија. Ако нема санкции, Србија ќе биде охрабрена да продолжи со насилството, не само кон Косово, туку и кон другите во регионот“, вели таа.
Тврди дека Косово има докази кои ја потврдуваат поврзаноста на Србија со настаните во Бањска.
„Имаме јасни видео докази за обука во Србија организирана од српските вооружени сили. Оружјето што го запленивме не е оружје што може да го добијат обичните граѓани, туку само армијата“, додаде таа.
Османи побара и Србија да го екстрадира Милан Радоичиќ и другите кои учествувале во насилствата во Бањска.
Таа најави дека Косово ќе објави докази за „директна наредба што дошла од Вучиќ“.
На прашањето дали Косово ќе формира Заедница на српските општини, на што инсистира меѓународната заедница, Османи повтори дека Косово е нападнато и е жртва на агресија.
„Прво сакаме Радоичиќ и другите да бидат екстрадирани на Косово. Имајќи го предвид досегашното искуство, Србија тоа нема да го направи. Во дијалогот има само една конструктивна страна, а тоа е Косово, кое спроведе 99 отсто од сите свои обврски“, рече Османи.
Таа нагласи дека Косово бара фер и избалансиран пристап во дијалогот, што го немало, па во тој процес овој недостаток ја охрабрил Србија да дејствува на агресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.