Регион
Хил: Повлекувањето на војниците и апсењето на Радоичиќ е добар чекор, потребно е политичко решение за Косово
Американскиот амбасадор во Србија, Кристофер Хил, денеска изјави дека повлекувањето на војниците од административната линија и апсењето на Милан Радоичиќ се добар чекор и дека во интерес на Вашингтон е да се најде политичко решение за ситуацијата во Косово.
„Нема сомнеж дека имаше повлекување на помал дел од војниците и дека во таа смисла работите се движат во добра насока. Можам да кажам и дека имаме потврда за намалениот број војници. Проблемот овде не е воен, туку политички“, рече Хил во интервју за „Танјуг“.
Тој додаде дека зголеменото присуство на војници долж административната линија со Косово предизвикува загриженост и дека САД побарале од српското раководство да ги повлече војниците.
„Многу ни е драго што можеме да кажеме дека тоа се случи“, рече американскиот амбасадор.
Зборувајќи за настаните во Бањска на 24 септември, Хил рече дека ЕУ и САД сакаат да знаат што точно се случило тогаш.
„Мислам дека апсењето на Радоичиќ, кој се чини дека ја призна вината за повеќето работи што се случија, беше добар чекор. Сепак, мислам дека сите сакаме да знаеме за што всушност се работи, што сакаа да постигнат , од каде го добиле сето тоа оружје и муниција“, рече американскиот дипломат, додавајќи дека разговорот за вистинските проблеми зависи „од јасен увид во тоа што всушност тие луѓе заедно со Радоичиќ се обидувале да направат и што сакале да постигнат.”
Коментирајќи го фактот дека 11 отсто од Србите го напуштиле Косово откако Аљбин Курти дојде на власт, Хил наведува дека овие бројки се вознемирувачки.
„Мислам дека тоа зборува во прилог на фактот дека ни треба политичко решение. Апсолутно е јасно дека нема воено решение за овој проблем. Ни треба политичко решение, ни треба решение кое ќе направи српската заедница да чувствува дека знае каква иднина ја чека“, рече американскиот амбасадор.
Тој додаде дека Србите во Косово мора да знаат што можат да очекуваат од животот таму и дека е неопходно да се формира Заедница на српски општини, а Приштина, пак, очекува можност да се приклучи на разни безбедносни и економски меѓународни организации.
Тој посочи дека во интерес на САД е да продолжат да изнаоѓаат политичко решение „засновано на јасни елементи кои се дел од договорот што беше постигнат пред пет, шест месеци“.
„Сакаме да го видиме формирањето на ЗСО. Праведно е да се каже дека господинот Курти не е ентузијаст за тоа, но мислам дека тој разбира дека тоа е еден од клучните елементи на масата, исто како што треба да продолжиме со интернационализација, што подразбира можност Косово да се приклучи на различни меѓународни организации. Тоа не се лесни чекори за српската страна, но тоа е дел од севкупниот договор“, рече Хил.
Тој додаде дека на сите им треба смирување на тензиите и разбирање дека наскоро Србите и Албанците во Косово ќе треба да најдат начин да живеат како соседи.
„Овие видови кризи мора да бидат заменети со политички процес што ќе ги натера сите да се чувствуваат удобно, за кога ќе се разбудат наутро да не мора да се грижат за безбедносните проблеми. Наша цел е да го сториме тоа“, рече Хил.
На прашањето за иднината на дијалогот меѓу Белград и Приштина и договорот од Брисел и Охрид, американскиот амбасадор посочува дека, „колку и да е тежок дијалогот за учесниците, мора да продолжиме“.
„Што се однесува до улогата на САД, ние сме многу посветени на дијалогот, секојдневно сме во контакт со сите страни, Србија, претставниците од Приштина, но особено со нашите партнери од Европската Унија. Мислам дека сите на Балканот треба да разберат дека Америка и Европската Унија имаат многу работи што треба да ги направат заедно и ќе ги направиме заедно. Значи, нема да бидеме поделени за работи како Косово, ќе бидеме обединети. Мислам дека ќе се вратиме на процесот на дијалог и Лајчак, кој понесе тежок товар во тоа, очигледно ќе мора да продолжи да го прави извесно време“, рече Хил.
Тој додаде дека САД се апсолутно посветени на успехот на процесот на дијалогот, бидејќи веруваат дека тоа е единствениот начин да се оди напред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Регион
Вучиќ до Силјановска-Давкова: Уверен сум дека ќе продолжиме да работиме на зајакнување на врските меѓу Србија и Македонија
Српскиот претседател Александар Вучиќ ѝ ја честита победата на Гордана Силјановска-Давкова во вториот круг од претседателските избори во Северна Македонија.
„Ѝ честитам на Гордана Силјановска-Давкова за нејзиниот избор за претседател на Северна Македонија и ѝ посакувам успешно да ја извршува одговорната должност што ја презема. Уверен сум дека ќе продолжиме да работиме заедно за зајакнување на врските меѓу Србија и Македонија, со цел напредок и благосостојба на нашите народи, како и просперитет на целиот регион“, изјави Вучиќ на платформата „Икс“.
„Многу ми значат вашите честитки“, му одговори Силјановска-Давкова на Вучиќ по упатената честитка.
„Вашите искрени честитки ми значат многу, претседателе Вучиќ. Очекувам дека ќе продолжиме да работиме на подобрување на одличните македонско-српски односи. Ви благодарам многу, претседателе Вучиќ“!, напиша таа во својот одговор на социјалната мрежа X.