Регион
Петковиќ: Србите го испратија Курти во контејнер
Резултатите од вчерашните избори покажуваат дека тие избори се пораз за Албин Курти и меѓународната заедница, изјави денеска директорот на Канцеларијата за Косово и Метохија, Петар Петковиќ.
Дека овие избори се победа на српското единство, покажуваат резултатите од вчерашните избори во четири општини на северот на Косово и Метохија, на кои излегле 1.567 од 45.950 гласачи, а меѓу нив само 13 Срби, соопшти Петковиќ.
„Тие избори беа организирани од Приштина, освен 13-те што излегоа, сите други Срби останаа дома, контејнерите во кои се фрлаа гласачките ливчиња беа празни како и гласачките кутии. Српскиот народ остана мирен, не реагира на секакви провокации и покажа целосно единство и дека верува само во претседателот на Србија, Александар Вучиќ, и дека има само една држава, а тоа е Србија“, рече Петковиќ во гостувањето на РТС.
Тој посочи дека Албанците според вчерашните резултати ќе водат четири српски општини и ќе управуваат со Србите што сочинуваат 98 отсто од населението на северот на Косово и Метохија и дека српскиот народ целосно се повлече.
„Тоа ја покажува новата реалност што се појавува и дека Србите посочија дека нема да има нормализација на односите и напредок додека не се формира заедницата на српските општини. Курти сакаше да ги натера Србите да гласаат, а бојкотот на Србите покажа дека српскиот народ го испрати Курти во контејнер“, наведе Петковиќ.
Тој оцени дека вчерашната победа на изборите е, всушност, Пирова победа и дека сето она што Курти го правел во последните недели и месеци и дека кажувал дека вчера ќе има инциденти и дека изборите ќе бидат празник на демократијата – дека сето тоа отишло во вода и дека секој може да го види вистинското лице на Курти, кој сакал да го искористи изборниот процес за да протера цел народ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.