Регион
Поради големите горештини, на чуварите на Акропол им се скратува работното време
На чуварите на Акропол во Атина и на другите археолошки локалитети во Грција, поради екстремните горештини, ќе им се скрати работното време за четири часа во текот на денот, објави грчкиот синдикат ПЕЈФА.
Почнувајќи од четврток и, веројатно, до недела нема да работат од 16 до 20 часот.
На археолошките локалитети и музеи, кои се отворени за посетители само од 8.30 до 15.30 часот, чуварите нема да работат од 13.30 до 15.30 часот.
Чуварите во последните неколку дена работат на екстремни температури над 45 Целзиусови степени, наведува синдикатот додавајќи дека одлуката за намалување на работното време е мерка за „заштита на здравјето и на чуварите и на посетителите“, кои се невообичаено многубројни оваа година.
Персоналот на Црвениот крст од минатиот четврток им помага на туристите кои може да бидат жртви на сончев удар или несвестица во подножјето на Акропол оставајќи чадори и натстрешници и делејќи шишиња вода.
Од синдикатот изјавија дека и покрај оваа превентивна работа, повеќе од 20 посетители се онесвестиле од горештините последните денови на Акропол.
Акропол во Атина, најпосетуваниот археолошки локалитет во Грција, обично прима посетители секој ден од 8 до 20 часот.
Минатиот петок грчките власти одлучија да ги затворат местата на светското наследство на листата на УНЕСКО во најтоплиот период од денот – почнувајќи од 11.30 или 12 часот и завршувајќи во 17 или 17.30 часот.
Грција, која минатиот викенд ја зафати првиот топлотен бран летово, в четврток, петок и в сабота повторно ја очекува голем пораст на температурата до 44 Целзиусови степени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.