Регион
Словенија привремено ги олабавува мерките до Божиќ
По најстрогите мерки воведени кон крајот на октомври, словенечката влада донесе одлука за ублажување на некои од нив, така што јавниот превоз ќе биде делумно обновен од 15 до 23 декември и ќе почне повторно да работат некои услужни активности.
Низ целата земја јавниот превоз ќе биде обновен во помала мера во тој период, во согласност со епидемиолошките мерки и намален број на патници во возилата, а дозволено е работење на салони за миење автомобили, цвеќарници и салони за нега, објави премиерот Јанез Јанша на Твитер.
Олеснети се и некои мерки за ограничување на движењето за време на епидемијата, но само во 4 од 12-те статистички региони, оние што во моментов имаат помала инциденца на коронавирус, односно подобра епидемиолошка слика од другите. Станува збор за Централниот Регион, кој ја опфаќа областа Љубљана и регионите Горичка, Обално-крашка и Горењска.
Во нив, жителите ќе можат да одат надвор од подрачјето на општините, но не и надвор од регионалната граница, додека за сите други, затворањето во општините на живеење сè уште важи.Сепак, слободата на движење во рамките на овие региони ќе им биде достапна само на оние кои инсталирале апликација за следење контакти на своите мобилни телефони.
Продавниците за облека и обувки и продавниците за спортска опрема имаат дозвола да работат во споменатите 4 региони со подобра епидемиолошка состојба до 23 декември, но забраната за напуштање на станот и куќата од 21 до 6 часот наутро, односно полициски час, останува во сила за целата земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.