Регион
Туристи сведочат за ужасот на Родос: „Ни дадоа мокри крпи од хотелот и ни рекоа да бегаме“
Бриџит и Роберт Дејвисон – брачна двојка од Северна Ирска, детално го опишале пеколот низ кој поминале на грчкиот остров Родос додека бегале од огнената стихија.
Од друга страна, Британецот Џонатан Луис, кој исто така се најде во пеколот на Родос, решил да им помогне на оние на кои помошта им е најпотребна. Тој не се двоумел да вози осум часа во изнајмен автомобил за да ги спаси семејствата од Родос.
Од 12 до 20 часот несебично превезувал луѓе на безбедни места, кога решил да преземе акција кога почнал да се гледа првиот чад.
Британците на Би-Би-Си за Родос: „Грците ни помогнаа, ни ги отворија домовите“
Брачен пар од Северна Ирска на одмор во Родос го опиша застрашувачкото искуство на евакуација од хотелoт во кој биле сместени, а на кој му се заканувал пожар. Бриџит Дејвидсон и нејзиниот сопруг Роберт се спасиле бегајќи пеш.
„Беше многу страшно, ја чувствувавме топлината на огнот зад нас“, изјавија за „Би-Би-Си“. Персоналот им дал крпи натопени со вода додека си заминувале. Според извештаите, околу 19.000 луѓе биле евакуирани од нивните засолништа по копно и море.
„Персоналот на хотелот слезе со крпи натопени со вода и ни рекоа да се облечеме и да одиме на брегот што е можно побрзо, што и го направивме“, рече Роберт и додаде: „Чадот почна да дува во наш правец, ушите и грлото не печеа“.
Чамецот кој пристигнал требало да ги однесе на безбедно место
„Љубезниот сопственик на хотелот се сожали на нас кога утрото пристигнавме со чамец и ни подари соба бесплатно. Локалните Грци беа неверојатни. Сè што имавме се облеката што ја носевме и нашите телефони и пасоши. Летаме дома во вторник. Немаме билети, ги оставивме во хотелската соба“, рече тој.
Кони Вудс, 18-годишна девојка од Северна Ирска, рече дека нејзиното семејство спиело на столици во училиштето кога им било кажано да го евакуираат одморалиштето во Пефкос. Како што истакна, мештаните им пружиле храна, вода и медицинска помош.
На Твитер ги фалат Грците, кои и покрај трагедијата што ги снајде, им помагаат на туристите и ги примаат во своите домови.
Првите Британци евакуирани од островот Родос пристигнаа дома во неделата попладне. Оние што останаа не го криеја гневот што туристичките агенции и авиокомпаниите не им најдоа билети за враќање дома.
Се наведува дека грчката армија им помогнала на илјадници локални жители и туристи, главно британски, наоѓајќи места за спиење во училиштата, стадионите и рекреативните центри.
Британските туристи ги фалат локалните жители за нивната брза и ефикасна акција, но и за гостопримството и се многу благодарни за сета помош што ја добиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.