Регион
Убиецот на Ноа од Белград е ИТ експерт, тој е сопственик на три компании

О.Д.(33), кој е осомничен дека брутално ја убил својата девојка Ноа Миливојев (18), по професија е информатичар.
Според информации на српските медиуми, О.Д е сопственик на дури три програмски компании.
„Дипломирал телекомуникациски електротехничар. Има многу добри приходи со оглед на тоа што поседува програмски компании, вели извор за Нова.рс.
Инаку, О.Д., денеска беше сослушан во Вишото јавно обвинителство во Белград, каде со молчење го оствари правото да се брани. Обвинителот предложи да му се одреди притвор.
О.Д., пред неколку години имал сообраќајна незгода во која му биле тешко повредени нозете и поради тоа користи патерици.
„Пред неколку години имаше сообраќајна несреќа, во која му беа повредени нозете. Никогаш не се опорави целосно. Мускулите на нозете му атрофираа, поради што мораше да оди со помош на патерици“, рекол извор.
Ноа Миливојев е трансродова личност, а е родена во Ковиле кај Нови Сад. На нејзиниот профил на социјалните мрежи, најмногу на „Тик-ток“, ја следеа голем број луѓе со кои споделуваше детали од својот живот.
Нејзиното тело беше пронајдено во стан во центарот на Белград.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.